飛虎童心

aug 12

早陣子朋友們都在組團報名玩「學警童心」「烈火童心」等制服系列, 看到朋友仔著到似模似樣的制服, 我也很讓哲哲試一下. 好不容易等到哲哲喜歡的飛虎隊出現, 和幾位朋友仔組團, 終於有得玩啦!

價錢...$3xx玩個半鐘確實是有點小貴啦, 不過見玩過的朋友仔們都很推介, 也就豪一次比哲哲試試~

一拖二帶住哲哲同細佬去到達之路的創新中心, 未夠鐘襯無咩人時影張相先...

朋友仔到齊點過名, 每人獲配一套飛虎隊制服. 咦, 著埋上去都似似地樣啦, 不過同空姐, 學警或者消防員系列黎比, 好似無咁搶眼得意囉~

哲哲: 等我熟讀好壞人既資料先...

場內突然警樂一起, 向上望, 一排排戴晒黑超著晒整齊制服既阿sir一字排開出場, 好有氣勢, 小朋友固然嘩嘩聲好興奮, 就連我地大人都覺得好惹笑, 估唔到個活動又幾認真wor

阿sir各自帶隊, 哲哲就同朋友仔手拖手咁入場進行密令喇. 有咩咁神秘? 咪就係家長無得入內, 完全唔知道入面玩緊咩同將會發生咩事...

個半鐘後, 哲哲完成任務出返黎啦! 問佢頭先好唔好玩, 玩左d咩, 初初哲哲都唔係好答得到, 只係好興奮咁不停話好好玩, 仲話下次想玩其他系列tim!

完成任務既小朋友都會有呢張證書, 同埋有本飛虎隊員手冊及紀念襟章, 哲哲珍而重之收好帶回家show quali比爸爸睇~

幸運地, 朋友告知在官方的website中, 刊登了哲哲那場的部份照片, 聽哲哲和朋友仔的對話, 總算大約知道哲哲玩了什麼:

- 應該是有一些體能耐力的測試, 要跑呀跳呀之類

- 分工合作, 射壞人, 救好人

- 灌輸簡單既紀律善惡意識

- 教了一些飛虎隊的日常裝備, 簡單的手語作戰指令, 不過哲哲都不太記得

完場的時候職員說黎緊會有烈火童心既加強2D版, 肉緊既哲哲話想玩多一次, 睇下朋友仔有無興趣湊夠人齊齊玩囉~~