自組聖誕親子曲奇班

dec 15, 2013

很多年前我們自組過親子蛋糕班, 那次和哲哲做了一個生日蛋糕給爸爸作為驚喜, 這次我和細佬決定二人世界, 和一班317 buddies齊齊過一個美味好玩的pre-xmas cooking party~

經某團購網以$178組班, 價錢其實不太值, 因為弄的東西很簡單, 不過基於負責人說我們的小朋友年紀小(係, 確係小, 一歲九個月), 焗的要雪的不適合, 簡簡單單的搓下粉團灑下朱古力碎就可以了

去到場地, 只是一個小小的班房, 要塞十多個家庭很困難啊, 再者都是小bb, 難免做成混亂

係咪真係食得架? 個樣咁似泥膠既媽咪?

等齊人, 搵個位, 我地開始啦!

今日我地要整三款曲奇, 一款朱古力棒棒, 一開始導師要我們將粉團碌扁, 細佬之前在家和我們做過曲奇, 這次搓粉團好像滿有印象, 好專心好落力咁一齊碌

試多次, 直情可以放手任細佬自己碌, 細佬做得好好呀

我搓!

我抆!

睇下我做得幾好~

呢兩款就係今日其中兩款既曲奇, 個造型唔係幾似大眼仔...無計啦, 阿媽無做手作仔既天份, 我已經盡晒力架喇!

做最後一款既朱古力棒棒時, 細佬好專心咁將d碎鋪落支百力支度, 鋪完有淨既朱古力碎小朋友又點會放過呢? 唔係放入口, 就係仙女散花灑到成地係, 真係辛苦晒負責人事後執手尾, 睇黎呢$178似係比清潔費多d...嘻嘻

細佬今日真係好乖, 全場坐定定, 整幾款曲奇由頭做到尾, 無扭計無搞搞震四圍走, 睇黎細佬好喜歡整野食, 等天氣暖d時, 同細佬再開爐整自家曲奇~