playright! 智樂遊戲萬歲日

nov 17, 2013

每年在中環的遮打道都會有由playright舉辦既免費親子活動 - 智樂遊戲萬歲日, 以往playright所舉辦的活動都很有創意, 由日常垂手可得的物件製作成有趣的玩意, 教懂小朋友從生活中, 邊玩邊學

這年我們第一次參加智樂遊戲萬歲日, 去到中環真的嚇了一跳! 到處都是人龍, 排得密密麻麻, 完全看不到可以活動的地方, 牌子上也寫住等一個遊戲要六十分鐘, 有點擔心哲哲是否有耐性去等 (當然也擔心自己的腳骨力!)

從人群中快看, 有些活動好像疊紙箱, 坐滾輪車等, 以往都試過了, 於是集中腳力排一些人流去得快既攤位遊戲先!

第一站, 玩繩網陣先! 呢個攤位遊戲入去走一圈, 避開網陣, 走到終點就完成, 成功止住哲哲催著要玩個口, 細佬也一齊玩, 不過唔夠高, 跨繩的時候成日絆腳, 好搞笑呢~

剛才經過某些攤位遊戲, 哲哲說想「洗車」, 因為人龍非常之長, 唯有拖字訣, 排另一樣遊戲先, 希望等多陣「洗車」條龍會少d人啦...

等待另一個遊戲時, 有工作人員派上bubble紙打發時候, 好貼心啊! 細個的時候好喜歡拿著一大張bubble紙慢慢啪, 逐粒啪, 非常好玩, 哲哲兩三下就啪完了, 細佬第一次玩, 手指仔唔夠力, 不停用手試著啪, 又或者揸埋一舊當搓湯圓XDDD

等左好耐, 終於玩到呢個「人型地拖」啦!

玩法好簡單, 一個負責拉, 另一個就踩在地拖上由前者拖行, 我拉哲哲當然沒問題, 由哲哲搵細佬就好笑了. 開始時細佬不知道如何捉實地拖柄, 成日一拉就跌低, 試多兩次就醒目識重心坐低捉實扶手, 不知平衡得幾好, 哲哲亦拉得好穩陣!

為左把握時間玩多幾樣, 我同哲爸兵分兩路, 哲爸去排一些人龍長的攤位, 我和哲哲就連玩兩次這個水泥工人

玩水泥呢條龍異常少人! 可能家長們都怕小朋友弄污自己身上的衣物吧, 老實講我對笨手笨腳既哲哲都無咩信心, 雖然有帶多一套衣服替換, 但我無帶多對鞋...有驚無險, 翻兜兩轉都無出事, 只是大會時間定得太快, 哲哲才剛剛穿好手套, 翻了兩下水泥就話夠鐘了, 咁短時間真係玩十轉都唔夠喉...

眼尾瞄到隔離既「洗車」無之前咁多人, 第一時間趕入人龍中, 等左四十五分鐘終於到我地啦!

講起都比哲哲激死! 咁辛苦幫佢拿到一個長柄的刷子, 點知就放低左去睇下其他人做咩野, 唔洗一秒就比其他家長搶走了! 結果咩工具都無, 只係得返d杯去淋下水, 完全唔係哲哲想試既野...幸好有另一個小朋友放低一個短柄刷子, 哲哲先唔洗傻更更企係度睇住人玩, 不過短柄的代價就是那些清潔水會流到自己一身濕晒...

時間剛剛好, 洗完車, 見哲爸的人龍差不多了, 我和哲哲轉陣去掃垃圾

「我要做好呢份工!」

又擔水泥又洗車仲掃埋垃圾, 哲哲今天總算試了一些平常沒機會玩的活動

排隊的時候聽到大會不停廣播「日日讓孩子遊戲一小時」, 真可憐, 每天返學做功課溫習的時間豈止一小時? 玩是小孩子最開心最理所當然的事, 竟然要透過一些活動去宣揚這個訊息, 希望哲哲他日上小學的時候, 我們仍能有這份心, 給哲哲每天都有一小時或以上的時間玩耍