【台北宜蘭】行程。準備

一開始計畫這個台北宜蘭遊真係好頭痛, 雖然話台灣係港人常到的旅遊地點, 但我們對上一次遊台是2003/2004的事, 現在完全搞唔清交通既問題, 特別對我這個方向白痴黎講, 景點與景點之間既距離, 屬於邊個市/鄉, 搭咩交通公具完全茫然, 幸好有台灣通T小姐受得住我無差別全天侯既whatsapp轟炸, 一次又一次既解答, 旅程先可以順利完成

機票
上年二月尾的時候開始留意機票, 哲爸不想坐廉航, 又怕了中華航空, 於是只target長榮和港龍. 長榮和港龍航班時間相約, 價錢相差$1,300左右, 然而長榮有Hello Kitty手繪機, 雖然自己對Hello Kitty無喜好, 不過看網上的分享, 飛機餐和侯機室很有特色, check過指定航班的日子時間還可以, 於是就以$5,376這個價錢買下兩大兩小的機票. 現在回想起來好在叫坐過, 上年十二月的時候長榮已經取消了香港飛台北既Hello Kitty機了

辦台證
買左機票, 打鐵襯熱, 即時辦台證, 最方便就網上申請, 費用全免, 填好資料遞交時可即時知道申請結果, 出發前一式兩份print出來連同passport一併入境就可以了

交通
桃園機場落機唔想浪費時間, 於是包車坐得舒舒服服由機場直到宜蘭, 沒有塞車的話, 大約一小時十五分鐘就到了, 多謝友人S小姐的好介紹, 司機手車好穩, 架車又乾淨舒服, whatsapp仲覆得好快添!

落到宜蘭, 地大景點散, 包車一日遊太貴了, 還是自駕好. 格上租車租了兩天, 有車揸去邊都方便, 小朋友倦上黎把握時間一上車就訓, 落車就玩, 幾好~

宜蘭回台北就搭火車太魯閣, 要預早download個apps買車位, 仲要準時12a.m.開賣, 人多飛少, 買唔到就要買另一班, 記得果晚買既時候, 睇定班次, 開定個page入晒passport資料, 一夠鐘就遞交, 就好似當年結婚要上網同其他新人搶註冊地點同時間咁, 幾鬼刺激

尾程由台北去機場就即場買飛坐國光客運巴士走, 隔十五至廿分鐘一班, 班次密都好準時, 果日落住大雨都無遲好多就到機場, 時間預得剛剛好

**憑酒店住宿, 入台證, 機票證明, 於出發兩星期前到台灣觀光局(尖沙咀廣東道新港中心二座10樓1010室), 可以每人免費換悠遊卡(內含NT50面值)或國光巴士卷一張(二選一)

住
宜蘭幾間熱門既民宿早於半年前就比人訂晒, 就算已經過了童玩節, 依然訂單滿滿. 最心水果間, 三月問空房的時候已經爆到十月, 其餘熱門既我又不太喜歡, 最後挑了一間新的民宿叫窩久久, 酒店民宿既野緊係有新住新, 一看到屋子既佈置已經非常喜歡, 還訂到熱門的樹窩四人房

有計畫去宜蘭的朋友, 記得要盡快research一下心水既民宿, 唔係比人搶左心頭好就可惜丫~

台北也有好幾家心水, 最後挑了旅樂序二館, 地點方便, 房間企理, 去附近買和吃都一流, 離台的時候看見三館也起好了, 有機會好想住啊!

食
食真係完全唔洗擔心, 整個行程都在食, 去了超人餐廳食漢堡; 成個頭咁大既脆皮燒雞, 又去了一間佈置很美的簡餐, 餐點甜品賣相靚之餘又好吃; 還有港人愛吃的響食天堂和台灣必吃的牛肉麵等等...

玩
如序文所說, 這次旅程去了泡溫泉魚, 騎馬, 摘蔥洗蔥做蔥油餅吃, 也參觀了科學教育館, 滿足了哲哲對人體科學好奇的心, 也參觀了古舊的火車和新建的兒童新樂園...等等好多好多

買
主要是到地下書店街掃書, 五本七五折, 真的好難忍手; 還有買好吃的肉乾, 太陽餅; 美眉喜歡到的86小鋪買美妝用品; 也少不了光南大批發, 不過我地主力都係現食, 好少買什麼手信回港XDDD

行程如下: (可點圖放大)

一路睇返d舊相就一路肚餓, 台灣之行令人最回味都係美食丫...