【台北宜蘭】day 1: 機場出發包車到宜蘭。格上租車自駕

aug 24, 15

鬧鐘一響, 第一時間彈起床, 準備出發去機場啦~~

平時兩隻豬多多少少會賴下床, 不過飛機就唔等人, 知道搭唔到班機場巴士就有可能上唔到機,都肯乖乖合作一叫就醒:)

今次選搭長榮, 例牌影張出發前既相先!

細佬: 又話坐hello kitty 飛機既?
我: 走果時先係, 依家未係住...

一上機空姐就比左d小禮物兩兄弟, 個多小時既機程, 有了這些填色簿同拼圖打發時間就唔會成日想落地, 行出行入阻到其他人了, 長榮既空姐好細心呢~

取好行李後, 先在離境大堂的銀通ATM機襟錢先, 因為大額的洗費可以用信用卡付 (酒店, 民宿及租車費用), 粗略計過洗費, 這轉暫時提取TWD20,000用住先, 唔夠下轉再拎

由機場到宜蘭想節省時間又想坐得舒服d, 我們決定包車直去宜蘭. 朋友S介紹了包車司機王先生, 用whatsapp詢問同報價, 回答得又快又清晰, 一落機已經whatsapp我地在邊個出閘口等, 非常準時. 事前唔洗比訂金, 出發前一天覆實航班資料和日子就可以了




架車太舒服了, 兩隻豬在車上小睡片刻, 這天無塞車, 大約一小時十五分鐘就到宜蘭了

我們請司機車到格上門市就放低我們, 因為宜蘭地方大景點又散, 租車自駕比較方便, 安排行程可以有彈性一點, 小朋友倦上黎把握時間一上車就訓, 落車就玩, 幾好XDDD

在網上挑了架最便宜的new vios 1500cc, 海外遊客持匯豐信用卡有七五折, 租兩天折後的價錢是TWD3,750, 連埋廣東話GPS. 這次租車忘了和格上的職員要求baby car seat, 搞到細佬坐得唔舒服, 下次再租車會記得了

取車後, 先到羅東火車站取票. 唔怕一萬, 只怕萬一, 擔心由宜蘭回台北那天行程趕事有變卦, 免得趕頭趕命, 還是早點拎定車飛安心一點

由宜蘭回台北有幾種方法, 可以包車, 坐客運. 我們想兩兄弟體驗一下台灣既火車鐵路, 在台鐵官網查預好了當天的班次就購票了

這次購票過程好難忘, 可以預早download apps睇班次, 位少人多, 萬一搶唔到心水時間同班次就要再作安排. 購票那晚, 一次過拎晒四個人既passport填資料, 準時12a.m. 就買飛, 果種感覺就好似以前結婚時上網同其他新人搶註冊署日子時間咁, 鬼咁刺激

成功購票後會有一張取票單, 位就無得揀, 但電腦會盡量安排坐埋一齊. 火車開出前三十分鐘好拎住張單去拎飛, 遲左架火車唔等人架!

台灣鐵路管理局火車時刻查詢系統: http://twtraffic.tra.gov.tw/twrail/

搞掂晒所有野, 可以去民宿放低行李, 開始我地既旅程啦~~

小貼士:

- 桃園機場銀通ATM機要用提款卡, 用信用卡就當透支了, 在香港可以事先同銀行出一張提款卡方便使用
- 每次提款上限是TWD20,000, 每次交易的手續費大約是HKD20, 就算你取TWD100也是要收HKD20啊
- 台北包車司機聯絡方法: 王先生 +886 926 272 111, 可whatsapp報價. 兩大兩小的話, 單程包車由台北機場到宜蘭是TWD2,000
- 有車牌人士可以去運輸署比$80蓋個國際駕駛許可證就可以在宜蘭駕駛, 填張表格, 等數十分鐘即日蓋印拎得, 好快捷
- 上網買火車飛要睇清楚班次同上站地點, 有d班次得幾個站, 快好多; 有d會中途停好多個站, 所需既時間會耐一點, 千祈唔好睇錯買錯