minions 香蕉派對 @veg garden

jan 31, 16

之前跟朋友仔參加過veg garden的聖誕燒雞活動, 覺得很有趣. 這次農莊又有新活動, minions香蕉派對介紹香蕉既生成史, 學習採蕉, 合力分割, 仲會即製新鮮既香蕉果醬, 於是約埋一班幼稚園同學親親大自然, 順便互相熟絡一下, 睇下文靜既細佬同同學們相處如何

要親親大自然, 遠離鬧市, 地點來說交通必然不會太方便, 對於無車人仕黎講, 真的是一件苦事. 車程時間長, 未開始玩坐車已經坐到呆晒, 玩完謝晒之後仲要坐好耐車先返到屋企, 萬一兩兄弟訓著左仲要抱落車就真係手都斷. veg garden地點在大埔某半山, 由家裡出發不是太遠, 參加活動個動力即時大好多XDDD








農莊負責人sandy同小朋友講故事, 從中介紹香蕉既特性, 唔講唔知, 原來想青bb既生香蕉快d熟, 只要將佢放埋蘋果隔離, 香蕉釋放既乙烯會催熟隻香蕉, 小朋友們聽唔清楚, 以將乙烯聽成放屁, 成班不停"放屁放屁"咁哈哈笑XDDD

話明係迷你兵派對, 一個個小朋友化身minions出發去摘蕉蕉啦, 好得意呢~

平時食就食得多, 也在超市街市見得到, 但香蕉究竟係邊度黎呢? 今日小朋友們第一次見到, 原來成梳香蕉生在樹上, 要合力將香蕉割下來, 竣竣不知幾認真, 小心睇手丫~~

sandy分比小朋友一把特別既較剪, 把剪刀好利, 手指頭都可以剪斷, 所以呢個剪香蕉環節真係要家長睇到實, 剪下來既香蕉比小朋友帶回家做實驗, 試下放埋落蘋果度係咪真係快d熟~

一人一隻, 兩隻蕉就留比爸爸同哥哥食啦!

割完蕉, 輪到幫迷你兵著衫衫啦! 小朋友要自己剪貼紙出黎貼貼, 一個二個貼得好開心, 竣竣話呢隻迷你兵係佢既卒仔, 佢係隊長喎

幾個男孩子話要變身做captain minions XDDD

將隻蕉壓成粒狀, 開火煮成茸, 再入落樽帶回家, 聽日可以用黎搽麵包食了!~

辛苦勞動完之後肚餓了, sandy為我們準備了香蕉主題既小食, 有香蕉蛋糕, 香蕉片, 仲有新鮮熱辣辣既豆腐花等等, 大人小朋友都食得津津有味

正當我地以為玩到七七八八時, sandy執左一塊大蕉葉同小朋友玩遊戲, 要齊齊合作運個波波到葉既另一邊, 最後小鬼們平時可能收埋好多壓力, 波都未運成, 竟然合力撕爛塊葉

撕得好瘋狂, 撕完一塊又一塊XDDD

呢一日比我見識到竣竣在同學面前既另一面, 平時既佢好似好內向好慢熱, 原來warm up左後可以好多野講, 成日痴住同學一齊玩, 最開心係見到佢同學相處得很好, 同學們喜歡和竣竣手拖手, 也喜歡一起坐, 有野玩也會預竣竣一份同好照顧佢, 呢d場面平時在哲哲身上幾乎看不到, 竣竣能夠有咁乖咁識照顧人既既好朋友們, 真係要好好珍惜呀~

今日個活動好好玩, $90一位又玩又食又拎, 大人細路都好開心, 期待下次再和同學仔一齊玩~