從義工的post中見到邊隻合眼緣> pm義工> 裝窗網> 約家訪> 可以領貓
又或者親自和貓貓見面, 睇中左就填表格申請> 等通知> 裝窗網> 約家訪> 可以領貓
接觸過後, 發現領養不是想像中的簡單, 要過五關斬六將. 接觸不同的貓義工, 當中問了我們很多問題:
- 家中有無人有鼻敏感? 有? 怕你鼻敏感會棄貓, 要考慮...
- 住邊度? 公屋? 邊條村幾多樓? Y型屋村走廊一出就係lift/防火門同花槽, 怕走失, 又要考慮...
- 屋企有幾多位成員? 仔定女? 有無足夠時間陪到貓貓?
- 養一對優先, 要一隻? Sorry, 有好多申請者, 要先睇晒所有申請先再考慮你...等等如此問題
有可能來來回回很多次, 最後都係領養唔到, 因為不是先到先得, 從茫茫人海的申請者中揀最適合既領養人, 當中有義工自己揀人既喜好及一些富爭議性問題. 正所謂, 你揀貓時, 貓/義工也在揀你
我們在領養日看到了斑點虎紋的綠茶, 可是義工說綠茶要和其他貓一對領養, 不能單領一隻
後來義工發了另一張照片給我們, 建議我們領養同胎的另一隻貓, 說這隻貓可獨立又可夾其他貓, 單隻養比較適合
單看照片的話, 有點像盲婚啞嫁, 我們再約義工親身到家裡看貓. 哲爸對這隻小黃貓一見鐘情, 初次見面就已經睡在哲爸大腿上, 非常乖巧. 印象中在領養日見過, 當時也是痴著貓媽媽睡, 完全不知道牠玩上來怎麼樣, 好一隻懶訓貓, 哈!
基於家裡環境及新手既關係, 起初真的只打算養一隻, 貓義工說有意領養綠茶的申請者家訪失敗, 如果我們可以一對的話, 可以將綠茶連同紅豆一起給我們帶回家. 養一對對貓貓們及主人都有很多好處, 貓b 非常活潑爛玩, 有伴就不會悶, 再者同胎兄弟姐妹的話, 免卻日後加貓的時候會有爭地盤不合的情況
看到牠倆感情這麼好, 常常依偎在一起, 也不忍心拆散牠們. 義工說可以讓我們試養一對, 要是真的不適合, 到時再帶走綠茶. 有很多人都有意領養綠茶, 所以不用擔心綠茶無人照顧
好吧, 反正我和哲爸從前就決定養兩隻, 只是先後問題. 既然大家各有心頭好, 那就膽粗粗帶晒兩隻返屋企, 新手貓奴要越級挑戰. 回覆了義工之後, 開始執屋, 準備迎接兩位少主來我們家了~
一下子要照顧多兩個，你很勇！！
回覆刪除其實貓都唔洗太多照顧, 有糧有水有貓砂盤就ok, 不過貓奴實好多花臣, 越搞越多野姐XDDD 樂趣黎既~~
刪除