吃飽飯, 見時間尚早, 於是到廿四小時的湯圍溝溫泉公園泡腳
在大灶雞出發會經過兩個溫泉公園, 一個是礁溪溫泉公園森林風呂, 另一個是湯圍溝溫泉公園. 論環境應該是日式的礁溪溫泉公園森林風呂較美, 不過好像人比較多, 我們晚上去的話應該什麼花草建築都看不見, 所以決定到湯圍溝溫泉公園 (實際是我也忘了為什麼當初決定去湯圍溝溫泉公園了XDDD)
門前的溫泉是免費的, 只要帶條毛巾來, 喜歡泡多久就多久
隔離有個辣椒館賣手信, 門前和館內都有這些可愛擺設, 唔買手信入黎影相嘆下冷氣都幾好~
免費溫泉人太多, 於是我們兜到後面的收費區, 走了一圈, 每間的收費不是差太多, 越往入走收費越平, 基本上只是鋪內既格局和溫泉魚款式多與少
最後我們揀了黑肉姐, 因為有得泊車 (大街無得泊, 往入走路人多窄, 可以泊的都給人泊了), 而且鋪內人不多, 魚的款式也有六種
大人NT70, 小孩NT50, 付了錢我們先從最小的魚開始, 唔知痕唔痕呢?
我同哲哲就唔係幾頂得順, 試最小的魚都覺得痕到死了XDDDD
哲爸就唔洗講, 咁多死皮, 對腳一落水全部魚都圍住開餐, 兩兄弟見到不停笑爸爸. 最估唔到係竣竣咁大膽, 肯試之餘, 場內大大小小的魚種都試過了, 有d 大魚我試過咬落d力都幾大, 縮都縮唔切, 竣竣竟然可以頂得住, 泡左個幾鐘都夠晒皮, 佢都仲話想浸耐d覺得好舒服!
有個小朋友太百厭, 在池中行黎行去, 腳一滑成個pat pat浸左落去, 要濕住咁坐車返民宿, 真係失敗, 自備左大毛巾但無帶衫替換囉!
無帶毛巾都唔緊要, 入場費包紙毛巾一包, 勉強都叫抺到腳既...
回程時途經諾貝爾奶凍, 我們買了個卷蛋吃, 也到了超市買芒果及零食, 回到民宿沖完涼就開餐. 個奶凍超好味, 可惜保存期短, 如果唔係好想買返香港食丫~~
小貼士:
- 湯圍溝溫泉公園無車場, 要泊車就要駛入後街, 或者見位就隨處泊, 不過都係比人泊得七七八八
- 為免好似哲哲泡腳時輪盡趺腳成身濕晒, 除左帶毛巾外, 建議帶多套衫褲
沒有留言:
張貼留言