脫牙記

nov 27

月頭的時候, 收到學童牙科檢查通告說哲要回診所覆診, 本來以為是在說下排門牙未甩的問題. 雖然早個星期那顆牙已經自行脫落, 但原來上排還有一顆乳齒經醫生檢查過也需要脫. 這天放學到達診所, 哲非常緊張...

「媽咪, 我唔要剝牙!」

「醫生話你要剝就要剝架啦, 隻牙頂住隻恆齒, 唔夠位生唔通佢打橫爆出黎咩?」

「但我真係好驚丫嘛, 剝牙係點架? 痛唔痛架?」

「唔...依我既記憶呢, 訓上張櫈, 打支麻醉針落d牙肉度, 再用個鉗仔一夾就甩架喇.」

「下? 打針? 用鉗?? 唔制, 我死都唔會入架啦!」

「我地農莊」之粟米節

oct 11

某天朋友說要不要參加粟米節, 還說種出來的粟米生吃很鮮甜, 於是這早山長水遠和奶奶走到元朗的「我地農莊」種粟米.

女孩子之間的角力與友情

上個月, 竣竣一落校車就扁嘴, 說唔想再同XXX和YYY玩, 還說以後都唔想再見到她們倆.奇怪了, 竣竣一向甚少和朋友仔有爭執, 平時搭校車和這兩個K3大姐姐也很要好, 究竟發生什麼事呢?

「佢地話我唔靚仔又唔乖, 以後唔同我做朋友喎.」

(無陰公, 唔靚仔真係原罪黎, 咁就無朋友做喇? 要怪就怪你阿爸...)

「咁無禮貌既人, 我都唔想同佢地做朋友, 哼!」

縫娘

有時真的很懷疑劉氏兩父子是仙人掌嗎? 怎麼會周身是刺, 穿過的衫褲鞋襪, 內內外外, 總是有破洞在身. 哲哲更是青出於藍, 細時幫他縫白豆, 大了就是忙著縫褲子縫衫袖.

早個星期將學校的運動褲「一分為二」, 爛得太徹底, 質地又太難縫, 於是花了$95 買條新, 豈料穿了五次, 新的褲子又破了. 因為太生氣, 決定要哲哲負點責任:

- 自付$95 再買一條新 (這個太貴, 孤寒精的他一定不肯)
- 自己縫
- 給我$20 請我幫他縫

最後哲哲點揀?

第一顆乳齒脫落了

nov 5

「好迫呀好迫呀, d 牙無位生啦~~」




還有兩個月就八歲的哲哲, 一直期待著甩牙變大人. 身邊的朋友一個一個換牙了, 可哲哲就是半顆牙也未見鬆, 就連恆齒都長得和乳齒一樣高, 乳齒也不肯乖乖退役

健康無價

報告出了
專科醫生說沒有問題
是健康和正常婦女的身體
還說想要的話再生多個都得 (下? 唔好啦掛...)
見完醫生安樂晒
哲爸仲恥笑人話財散人安樂
睇醫生既錢點補償
點補償? 錢債肉償囉一係XDDD

上星期做的體檢結果
害我擔心了好幾天
雖然都知道應該不會是大問題
但一想到早幾個星期遇到哲哲的幼稚園同學
真的很淆底的想:
要是哲哲竣竣這麼早就沒有了媽媽會如何?
他們的成長一定有所缺失
我又一定會很不甘心, 很捨不得
想起這一切頓時覺得
屋企長期戰亂又如何?
食飯食得慢, 成地都係飯粒又如何?
每條褲子總是穿到有破洞又如何?
朝早賴床不願起, 晚上又不願睡又如何?
在身體健康面前這都是小問題
不足以動肝火去計較
去傷害彼此間的關係和愛

p.s. 以後還是直接到專科做檢查, 別再去體檢中心做了, 免有驚嚇事件

等待

由昨天開始心情就很不好
一個人的時候特別想很多
現在只能等待...
希望快點到下星期
但願一切平安