女孩子之間的角力與友情

上個月, 竣竣一落校車就扁嘴, 說唔想再同XXX和YYY玩, 還說以後都唔想再見到她們倆.奇怪了, 竣竣一向甚少和朋友仔有爭執, 平時搭校車和這兩個K3大姐姐也很要好, 究竟發生什麼事呢?

「佢地話我唔靚仔又唔乖, 以後唔同我做朋友喎.」

(無陰公, 唔靚仔真係原罪黎, 咁就無朋友做喇? 要怪就怪你阿爸...)

「咁無禮貌既人, 我都唔想同佢地做朋友, 哼!」

「竣竣唔好嬲住先, 頭先發生咩事? 講比媽咪知, 睇下幫唔幫到你?」

「我都唔知咩事, 平時我同XXX一齊坐, 今日蕭太話無位嘛, 叫我坐YYY隔離, 跟住XXX就嬲左我喇.」

「哦, 係咪因為XXX嬲你唔同佢坐丫?」

「我點知道喎, 我又唔係XXX, 我唔知佢個腦係點架嘛...」

看著一臉無辜又深深不忿的竣竣就覺得好笑, 做娘的直覺覺得是兩個女孩子想爭著和竣竣坐, 爭不成又不想破壞友誼, 反過來槍口一致對準竣竣 - 她們原來就是好朋友來呀...

女孩子之間的角力與友情, 男孩子是永遠不會明白的XDDDD

隔了一個周末...

「媽咪, 今日XXX無嬲我, 同我做返朋友啦!~」

(見你笑得咁開心, 一早估到啦^^)