冰從哪裡來

某日在茶餐廳叫了杯凍飲, 一粒冰子從杯裡掉了出來, 哲哲看著冰子慢慢的溶化為水, 很是好奇

「哲哲, 你望下, d冰溶左變成咩呀?」

「變成左水囉」

「咁你知唔知道冰係點黎架?」

滿以為哲哲會答我冰是由水來的, 又或者會答我冰是由雪櫃中製造出來的. 誰知...

「係天父創造既! 天父創造了天地萬物, 所有野都係天父造出黎既」(非常認真兼自信地)

err...咁樣又唔可以話你錯喎哲哲...呢個咁百搭既答案係點答都唔會錯. 想深一層, 哲哲都幾留心上堂聽老師講道理呢~ 嘩哈哈哈

某晚哲爸飯後和哲哲互送「凍柑」, 互送之際, 哲哲突然走入廁所:

「等我入去洗凍隻手黎凍你個肚腩先」(一臉兇狠)

(哲哲, 洗唔洗咁狼死丫...從廚房裡都聽得到哲爸被你隻凍柑凍到慘聲四起呢~)