每天都要笑

某天放學搭lift回家的時候, 除了我和哲哲之外, 還有另一位k1的學生和其家長

男孩手上拿住一支珍寶珠, 不停嚷著要即刻吃, 此時哲哲多事:

哲哲:「出街唔食得住, 要返到屋企先食得」

男孩:「 唔得, 媽咪, 我要依家食, 唔等返到屋企啦」

男孩媽媽同男孩說:「 你睇下個小朋友幾乖, 識話唔準依家食. 小朋友, 佢曳曳丫呵?!」

哲哲:「係囉, 佢曳曳丫, 都唔聽話既」

(哲哲, 你咪五十步笑百步啦...) 

某天搭43x回家的時候, 哲哲坐車頭問: 「媽咪, 點解馬路我都唔見有法拉利既?」

「法拉利唔係成日o係街度見到架, 因為法拉利好貴, 貴過一架巴士架」

「唔係, 巴士$7.9咋嘛, 都唔係好貴姐~」

(嘩卡卡卡, 呢程搭巴士係$7.9, 哲哲識咁諗真係好另類~)