敗家

連續幾晚哲爸公事繁忙很晚才回家, 餘下我和哲哲兩個在家吃飯, 這晚決定偷懶, 倆口子到樓下商場吃飯順便陪哲哲睇巴士

事件一

走到商場問哲哲想吃什麼, 哲哲突然想喝酥皮湯, 於是和他走到大x樂看看鐵板餐有沒有酥皮湯, 可是沒有...經過隔離的椰x閣看到餐廳門口大大個餐牌, 哲哲停下

「媽咪, 依度有酥皮湯, 我好想飲呀, 不如o係度食囉?」

一瞄, 普通一個晚餐都要$65, 加$28餐湯升級為酥皮湯另加小食一客, 見價錢咁貴想打退堂鼓

「哲哲, 呢間餐廳好貴呀, 不如食第二間啦」

「唔好啦, 我好想飲酥皮湯, 我想要酥皮羅宋湯呀」

在門口講數, 擾攘多時只好下了個錯誤的決定:

「哲哲, 你想食麥當勞薯條, 定係飲酥皮湯?」(諗住廿蚊個餐可以打發哲哲走...雖然薯條真係無益...)

(諗左一陣) 「酥皮湯!」

估唔到出動到無咩幾可有得食既薯條都無動於衷, 無奈之下唯有屈服...

「仲有喎, 我想食牛扒同意粉, 即係呢個丫~」

今早先同哲爸講呢幾日都係用左$50就可以煮到三餸一湯仲留埋第日既lunch box, 點知隻臭豬今晚幫我一鋪清袋! 咁細個就咁識要求食咁貴既野, 遲下佢扭計要買好貴, 能力以外既野點頂得住?

事件二

飯後, 應承哲哲到「80m巴士專門店」睇巴士, 之前一早講好只睇不買

「媽咪, 你睇下, 呢個大旅遊巴有遙控架!」

「係喎, 咁大架車都有遙控, 好犀利呀!」

「我覺得呢架車好型, 好想要丫...」

「哲哲, 我地屋企已經好有好多車, 你自己數下, 我地有咩車先?」

「我地有巴士, 小巴, 的士, 飛機, 倫敦巴士, 林寶堅尼, 法拉利...仲有遙控車tim!」

「係囉, 你都數到咁多車, 反正屋企都有遙控車, 所以我地唔買呢架啦」

「但係我地屋企無旅遊巴既遙控車bor...得林寶堅尼遙控車咋~」

因咩人仔細細咁識享受洗大人錢??? 究竟第日哲哲會唔會係唔知米貴亂洗錢既人架???