我愛肥貓 @joyce home

feb 20, 11

聖誕前的一個飯聚時說起這個冬天一定要上joyce的家打邊邊!

改期又改期, 終於等到打邊邊呢一日, 上joyce屋企最期待就係杜瀾既好手藝, 諗返轉頭我提議打邊邊好似好浪費tim...

猶記得上次來的時候哲哲對肥貓拳打腳踢, 這次哲哲卻溫柔得多, 雖然肥貓依然很怕生, 一見到哲哲就躲在餐桌下, 不過到晚飯中段的時候開始放下戒心, 走出來望望哲哲了

一開始就算不走開, 任哲哲怎低聲下氣, 苦口婆心餵肥貓食零食, 肥貓聞兩聞就算, 點都唔肯放入口

「你食啦, 肥貓, 你快d食野啦, 嗱, 要好似我咁muk大個口, 牙...」

「你乖啦, 快d食野啦, 唔係會餓親你架...)

哲哲是很認真的去餵肥貓, 就算肥貓逃到牠的comfort zone都不放過, 也許肥貓也被哲哲感動了吧, 最後都肯吃...一條咁大把, 哲哲都好開心呢~~

霎眼望落肥貓既零食同joyce沙巴的手信有多像, 這個包裝多可愛! 看上去好像比人吃的還吸引~~

說笑啦...看哲哲同selene的樣子就知道多好吃!

飯前, 來了個小小驚喜, 為selene補祝生日. happy birthday selene babe~~

開飯啦~~杜瀾先炒香d洋蔥, 再注入湯包及清水, 個湯底真係一流, 下次屋企打邊邊我都可以試下買呢款

唔好以為碟頭好似好少咁, 食落真係剛剛好, 我覺得個手打雜丸, 鮮魷魚同手掌大小的桶蠔最正, 另外平時我是不吃腐竹的, 不過這晚杜瀾買來的鮮腐竹好好味! 仲有我第一次吃的皇帝菜! 好味!

食飯既相...一張都無影到, 因為個個都掛住食同傾計, 返到屋企睇返相機先知道一張相都無影過, 哈哈

不知道從何時開始, 哲哲對杜瀾特別喜愛 (不過我也不意外, 因為哲哲一向喜歡親近男人多過女人), 這晚更要杜瀾全程貼身照顧, 難為杜瀾這晚變了小瀾子要服侍哲哲, 好好笑

一時點名要杜叔叔抺鼻涕...

兩個男人一個細路搞咩? 哲哲又點名要杜叔叔陪佢去vv, 真係大陣仗...

成餐飯哲哲都掛住玩唔食野, 就算我地餵都唔肯食, 只係肯食杜叔叔餵既腸仔同雜丸. 飯後哲哲「自動波入位」咁泊住杜瀾, 唔識既以為杜瀾先係哲哲個爸爸, 哈哈哈

(哲爸, 成晚哲哲都無理過你, 地位不保啦~~~)

事後某晚哲哲突然問我杜叔叔去左邊, 我話杜叔叔返左工, 問返哲哲係咪好鐘意杜叔叔

「係呀, 我好鐘意杜叔叔, 因為佢好好人」

「杜叔叔點好人法呀?」

「 杜叔叔煮野好好食, 仲煮得好辛苦tim ar...」

雖然哲哲成晚掛住玩, 但原來佢都幾留心到身邊的人和事, 留意到杜瀾o係廚房不停洗不停切去準備晚餐

對上兩次去joyce的家分別是哲哲半歲及歲半的時候, 剛好這一次哲哲三歲了, 難道下一次的「杜瀾飯局」要等到哲哲四歲半嗎? oh no!!!要是這樣的話, 下次來的時候相信joyce已經成為母親, 倆小口可以玩過夠了~)