小語錄 (II)

已經是事隔四個多月前的事了...

話說某日我地一家三口去左玩具反斗城, 哲爸見哲哲玩架車玩左好耐好鐘意, 突然少有地主動話送比哲哲

到比錢時, 哲爸比左$100叫我埋counter比錢, 哲哲見到我地比錢買玩具送比佢好開心, 係咁話多謝爸爸(因為係爸爸主動開聲話送比佢嘛)

幾天後, 放學後的哲哲好掛住架車係咁玩, 當我整緊餸既時候, 佢突然走埋黎同我講:「多謝媽咪送架車比我, 我好開心丫」

「架車唔止我一個送比你, 爸爸都有份架」

哲哲竟然說...

「但係係你比錢, 唔係爸爸比錢架喎」

嘩卡卡卡, 哲爸蝕大底啦~~ 明明想從哲哲身上攞甜頭, 點知個甜頭落左我身上, 學杏子講, 鬼叫哲爸做野做一半咩, 下次記得要做足全套功夫啦~~

昨天見完治療師, 治療師說了一大堆興趣班想哲哲上, 當中我抽了些問哲哲

「哲哲, 你想學咩樂器? 鋼琴? 小提琴? 定吹笛?」

「唔...我想好似周杰倫咁, 學鋼琴彈唱『葡國雞的約定』」

「『葡國雞的約定』? 果首歌叫『蒲公英的約定』呀」

嘩卡卡卡, 聽完哲哲呢翻話簡直笑到反肚丫!

哲哲很喜歡周杰倫, 早陣子常常要哲爸給他看一個多達廿多首歌的周杰倫MV全特輯, 當中有好幾首歌哲哲很喜歡, 每次聽完都會問我們那首歌的名字

我想哲哲記不住蒲公英的約定, 是因為「蒲」字太少用吧...當中哲哲識的就只有他喜歡吃的「葡國雞飯」, 所以有這個搞笑的歌名呢 XDDDD

雖然我是喜歡小提琴/大提琴多一點(那是因為vanessa mae的關係~), 不過既然家裡有鋼琴, 哲哲又喜歡的話, 學鋼琴也不錯呢~