回憶中的味道。完美比例之芒果布甸

aug 31

上星期在白雪家開party吃到完美比例的芒果布甸, 哲哲就念念不忘(其實我也是). 這天午飯過後, 哲哲突然說了句:

「媽咪, 上次我地咪去白雪姨姨屋企食個布甸既, 個布甸好味到我唔想走. 不如你整比我食啦, 咁我咪可以成日食到囉」

「好! 我地今晚就食! 不過媽咪唔識整喎, 等我一陣問下白雪姨姨點整先!」

坐言起行, 我呢個廿四孝阿媽即時whatsapp問白雪拎個食譜, 再踢拖飛落街買料開壇同哲哲一齊做這個完美比例的芒果布甸

做法: (節錄白雪堡壘的食譜, 部份內容我加了點小註解)

材料 (約三至四人份量)大芒果1個 (或者街市有一份份十零蚊三個的, 那些芒果通常較熟, 用來做布甸會很甜)
羅拔臣芒果味啫喱粉1盒
花奶 160g (三花牌有隻淡奶整罐剛好是160g)
滾水 150ml
凍水 120ml

製法:
1) 將芒果切細粒，其餘果肉盡榨成果肉汁備用
2) 將啫喱粉倒入大碗內，然後加入滾水攪拌至完全溶解再加入凍水
3) 啫喱水應已冷卻至常溫，就可以將果肉汁及花奶倒入啫喱水中徹底拌勻
4) 先將芒果粒放入啫喱杯／盤中，再倒入（3）
5) 放入雪櫃冷凍至完全凝固即成

依這個食譜, 大約一兩個鐘就已經雪好, 對於哲哲這個心急人來說, 每隔數分鐘就打開雪櫃門, 或者不夠半個鐘又走來問我食得未, 確實是個快靚正的食譜

而這個食譜最吸引的地方, 並不是單單的美味, 而是非常簡單方便, 仲要唔洗用生雞蛋tim! 對小朋友來說, 吃下肚既安全衛生又美味, 簡單的做法, 令哲哲所有步驟都可以參與, 一手包辦

喜歡芒果布甸, 是因為小時舅父的女朋友開糖水鋪, 到婆婆的家時總是親手做芒果布甸給我們吃. 那時我很喜歡這位姨姨, 因為呢位姨姨(以前)好靚, 又識打扮, 而且整既芒果布甸仲好好食, 每次特別做給我的總是有滿滿的芒果

小時的糖水鋪沒現在這樣興盛, 懂做甜品的人也不多, 酒樓的總是很假很實的芒果布甸, 不好吃, 平時沒機會吃, 就只能盼望這位姨姨多點隨舅父回婆婆家吃飯時才有機會吃到. 後來這位姨姨和舅父分手了, 我也就沒再吃過芒果布甸了

吃著眼前這杯, 想起了舊事, 味道卻不及回憶中的那一杯