sep 25
同初一影過兩次studio相, 覺得照片都是影得很一般, 不算太喜歡. 某天看到外國網站的new born照片, 忽發其想, 襯天氣還熱, 之前又淘了一些造型的冷帽仔, 不如淘張毛毛毯返黎自己o係屋企脫光光咁影. 自己屋企影, 唔洗擔心bb因為陌生環境而緊張, 自己操刀又可以任試任影唔怕趕時間
雖然是很業餘的水準, 不過我自己就很滿意了, 你呢?
先說燈光. 屋企影最緊要有光入屋. 自然光最美, 影出黎既膚色亦最自然, 岩晒我呢D亂影又唔識執相既攝影初哥 (另外是初生bb是不能用閃光燈, 會傷害他們正在發育的眼睛啊!)
屋企少雜物, 背景有素色/簡潔既環境都是一流的拍攝背景. 因為我屋企比較茸茸爛爛, 所以在淘寶買了張毛毛毯回來. 淘寶有好多布藝店都有賣毛毛毯, 價錢由RMB十零到廿多元有交易, 主要是睇毛毛的款式, 顏色質料及所需要的長度, 就像這次, 我買了兩款不同的毛毛毯回來, 看看效果哪一個較好 (或者用淨色大毛巾都可以, 另ikea也有淨色毛毛毯買, 色澤質地也很漂亮, 價錢由百多元至千元不等, 詳情請看ikea官網)
機身設定方面, 在日光足夠的情況下, 用A mode(光圈先決), 將光圈設定到f2.8-4之間, iso 160-250, white balance選用日光或自動模式, 另用單眼反光相機比dc仔拍的效果會好好多
如圖. 用毛毛毯/大毛巾鋪在靠近日光的地方, 如果唔夠光, 盡可能拉開所有窗簾同開白燈(水晶燈不宜), 而bb就鋪在毛毛毯上, 睇下邊個角度邊個光線比較適合進行拍攝
小試牛刀, 用白色毛毛毯拍了兩張, 比較純白影樓沙龍一點的感覺, 因為是業餘沒有補光的緣故, 有些陰影位也就算了吧
呢張影到初一望住個毛毛球好好奇的樣子也很趣怪啊!
為左拍攝「龍寶寶」呢件衫仔既效果, 用枕頭攝在毛毛毯下面, 將初一扒在枕頭上影的, 效果也挺有水準, 只是前後試了很多張, 初一倦了, 欠缺可愛的笑容呢~
別看這幾張相花幾分鐘就可以影完, 背後的功夫可不容易. 因為我是初一最喜歡的玩具 (=.=), 又沒有人幫手影同逗初一笑, 唯有對住初一不停的扮傻瓜引佢笑, 等佢笑的一刻才拿起相機影, 不過初一看到相機又會好奇的望實不笑了, 來來回回好多次, 好倦啊~~
又有試過用手機開了些兒歌video, 放在相機鏡頭上, 待他笑的一刻才拍照, 不過事實初一看到只會望到入晒神...情況許可的話, 最好有人在旁用玩具引bb笑, 這才拍到滿意的照片
背景雖然簡單, 沒有特別的佈景道具, 不過簡簡單單的特出了可愛的bb, 才是照片中的主角呢~
p.s. 從淘寶中購回來的毛毛毯質素算乾淨無咩甩毛, 另特色的冷帽仔的顏色可以自己訂製配搭, 即叫即做, 所以要預留時間比賣家起貨, 有興趣的朋友可留email給資料你們
沒有留言:
張貼留言