mini copper主題餐廳。mini dans la ville

oct 6

數月前得知上環有間以mini copper為主題餐廳, 本來想約朋友仔一起去, 不過似乎朋友們不是太忙就是沒興趣. 這天和細佬在養和分科診所睇完眼, 見順路在附近, 於是和哲哲步行到mini dans la ville來個輕食

地點不難找, 在中遠大廈內街方向的斜對面, 哲哲知道地點找對, 第一時間爬樓梯衝上去, 興奮極了~

推開鐵門, 嘩! 好大架舊式的mini copper呢~!

或許是星期六lunch的關係, 店子不算很多人, 我們隨意找了張近mini copper的檯子坐下, 哲哲已經急不及待要四圍看了

哲哲不停的研究架車, 不停的向內望, 不停的叫我幫他拍照, 幾乎每個角落都影了

越影就越多高難度pose, 最後竟然索性坐上架mini copper度, 幸好餐廳的職員都很好, 讓我們任拍也沒有阻止

襯哲哲還在聞車的時候, 我回檯看了一下餐牌, 價錢在中上環區來說, 也差不多吧, 最近團購也辦了不少all day breakfast, 既然稍後會吃tea buffet, 一於來個輕食, 叫個all day breakfast吧

「媽咪, 你睇下, 呢度有好多mini copper既野丫」

除了一入門那架mini copper是亮點外, 還有一些mini copper的精品讓車迷觀賞一下, 好似這些筆, 水杯以及迷你車仔, 有些可以買, 有些是店主的珍藏, 非賣品呢~

這家餐廳的佈置很有特色, 我喜歡殘舊的木檯配鐵櫈, 見到有人坐stool邊傾計邊飲酒, 好寫意

就係呢張stool, 好似酒吧既感覺, 但又好cozy, 好想和哲哲坐上去丫...

如果一大班人, 可以坐入面一大張張的木檯. 牆身掃上鮮紅色, 同d舊木檯木櫈和吊燈出奇的夾

話明係mini copper主題餐廳, 真係到處都會見到mini copper的影子, 哲哲統統都不放過, 全部都要我拍照留念呢~

職員見哲哲這樣喜歡mini copper, 建議我們不如坐到mini copper旁邊用餐, 傻哲哲仲問係咪可以坐入架mini copper度食tim, 嘻嘻

有得望住架mini copper黎食, 未食都飽晒囉~~~

講返個all day breakfast, 腸仔蛋加片多士, 無話好食定唔好食, 醉翁之意不在酒, 這餐都是來哄哲哲開心, 食物的味道是其次呢

用餐完畢, 再多拍幾張相就走lu

mini copper你就坐唔到, 呢隻馬仔都可以比你坐餐飽既~