第二次拍拖。睇古魯家族(3d)

apr 6

三月中的時候, 和哲哲經過樓下戲院, 知道復活假會有新戲上演. 哲哲說好想看, 一直的等到上畫了, 可是帶著細佬又不太方便入場, 一來怕細佬中途吵吵鬧鬧, 被職員趕離場令哲哲掃興, 二來也想和哲哲有真正的二人世界

早幾天問准了奶奶有時間睇住細佬, 於是一早買定飛, 待奶奶回家後就同哲哲去拍拖了

本來的計畫是這樣的: 奶奶下午回來, 我和哲哲買些零食入戲院吃. 可是等呀...等, 還有二十分鐘就開場了, 怎麼奶奶還未回來呢? 害得我和哲哲都很心急! 結果奶奶於開場前的十五分鐘才回到家, 我和哲哲一早換好衫著好鞋, 奶奶才剛開門我們就衝出大門了, 哈哈

幸好到戲院路程不遠, 我們跑著的看見還有八分鐘才開場, 於是急急在隔離零食店買了兩三款食物入場

入場前影一張先! say cheers~

這次應該是哲哲第二次入戲院睇戲, 第一次是和戰隊一齊睇, 這次大挑戰, 挑了3d的來看, 起初都有點擔心要戴住副眼睛成場哲哲會唔舒服, 又或者成日跌落黎會唔想睇. 可能大個仔左, 加上去完迪士尼睇米奇音樂3d劇睇得好開心, 呢日成場無除過, 仲睇得好投入tim!

完左套戲, 我地去商場食麥當當. 話就話哄哲哲開心食薯條, 其實係自己想食多d, 嘻嘻...

今日教識左哲哲食薯條試下點雪糕食, 哲哲話好新奇好特別, 真好, 真係好似熱戀中既男女咁, 每次拍拖見面總有一兩樣, 只屬於我倆的新發現

話明拍拖嘛...同戀人行街睇戲食飯, 少不了買點禮物哄哄他開心. lego和車仔哲哲有太多了, 超過$100的太貴我又不想買, 最後走到這家精品店, 見這雙球拍數十元, 於是就買下來, 留待去公園時可以教哲哲玩啦

哲哲急不及待, 走到回家路上的空地說要拿出來打幾下, 於是就教了哲哲如何打羽毛球, 才第一次就已經成功開到波! 叻仔!

三個半鐘一眨眼就過去, 我們趕著回家, 我和哲哲單獨相處既時候實在太少了, 真係好希望可以再多一點...再多一點的二人世界, 要是每個月能固定的抽半天陪哲哲, 多好!