離奇墮床事件

大約是二月尾三月頭, 細佬還未正式識行的時候, 有一天, 我在廚房準備餸菜, 細佬在床上扶住床欄來回渡步, 哲哲在床的附近玩車

突然聽到細佬大喊, 走出廳時, 見到細佬坐在哲哲旁邊正在大喊. 當時摸不著頭腦...明明細佬在床上, 點解會落左地?

「哲哲發生什麼事, 點解細佬會跌左落地既?」

「細佬好曳丫, 佢踩住個床欄跳落黎呀」

奇怪了, 細佬又唔夠高, 身手又唔似咁好, 照道理唔會「掛臘鴨」頭向下跌落黎, 再者也沒有聽到「boom」的巨響; 一係就哲哲爬上張床再抱細佬落地玩又整喊佢. 平常看哲哲跨上跨落床還可以, 但要抱住細佬一起落床應該很有難度

想著想著都想不出原因,  也就不了了之. 隔了一段時間, 發現床圍有一忽爛了...

而縛著床欄的繩子斷了, 另一邊得縛著打個結才行...

想起哲爸曾經說過, 細佬很喜歡踩床圍玩, 突然我明白:可能是踩在床圍上玩玩下失足跌了下來! 哲哲沒有說謊, 不是亂說, 是細佬真的很百厭自己跌落黎!

天啊...真係人仔細細, 百厭成咁. 自此, 行開行埋時再也不敢將細佬放床當安全區, 因為一點都不。安。全!

除左咬床欄同成日除褲fing褲玩之外, 呢個人仔真係好馬餾, 睇返相之前個床圍還是好好的, 肯定是踩著床圍攀了上去才失足吧...

後記 (may 4):

嗱! 仲唔比我捉到你? 上次離奇墮床肯定係咁喇! 有相為證喔~