(細佬都一歲生日了, 還在寫一年前的奶媽手記, 真係冏...)
may 6, 12
第一次回公公婆婆家, 瘦瘦的細佬著左呢件衫好似漲卜卜咁, 仲第一次見到原來細佬係內雙眼皮架!
may 10, 12
點解細佬同哲哲一樣, 咁鐘意訓埋一邊架?
細佬都好d, 一開始個頭都算圓, 訓訓下又偏埋一邊, 用毛巾同攬枕攝極都彈返轉頭咁訓, 個頭會兩邊扁, 中間尖, 唔靚仔架嘛~~
斑馬兄弟? XDDDDD 好憂鬱既眼神噢~~~~
may 11, 12
我也有強悍既事業線喔~
may 19, 12
第一次坐車仔遠行喇! 一直黎用combi條初生平訓揹帶, 用到腳尾已經頂塊墊, 於是試坐車仔. 轉左車仔後細佬太細粒了, 扣左安全帶就好似無扣咁飄, 一路推一路好牙煙驚佢跌出黎, 不過細佬似乎幾鐘意坐車車睇風景
may 17, 12
白白豬呀))))) 雖然細佬無節瓜手無米芝蓮腳, 不過d肉實的的喔
may 19, 12
餵完奶, 見你訓到咁冧, 點捨得鬆手放你落床呢...注定我會寵壞你了~
may 20, 12
before and after...
may 25, 12
日漸長大, 細佬開始有自己的脾性, 日頭識扭人玩, 夜晚知道要自己訓, 唔再好似初生咁, 半夜唔訓係咁喊, 依家想訓就會自己搖頭, 搖幾下就訓了. 餵奶的時候, 抱起一放個頭落心口就會自動張開口等吃奶, 食食下又會望上來含情默默對我微笑
除左認得我之外, 細佬似乎對哲哲的聲音特別感興趣, 每次哲哲的聲音一出現, 細佬就會靜下來望向哲哲, 不知道是不是還在肚子的時候, 哲哲常常和細佬唱歌的緣故?
may 31, 12
這天再到健康院磅重, 母乳姑娘反覆督督計數機, 原來這些日子細佬無增磅, 頓時對自己無晒信心
一直來其實都有很多疑問, 只是認為細佬每次磅重有正常增長, 證明吃得飽, 其他問題也就不用理會. 現在姑娘說磅數不理想, 即是中間一定出了些問題
好唔開心, 好想喊, 係我餵唔飽細佬嗎? 係我唔夠奶, 出奶太慢, 細佬無心機唔想食, 還是細佬太瘦唔夠力, 啜一陣就倦到訓著?
母乳姑娘問起細佬的作息時間, 說細佬夜晚太好訓, 剛滿月的bb來說還會吃一兩轉夜奶, 而細佬自己戒了, 可以訓成六七個鐘, 比其他bb食少一兩餐, 磅數可能就是差在呢度. 然而姑娘說不想打擾細佬的睡眠質素, 因為訓得好同樣重要, 建議日間再餵密點
依家已經係每兩小時餵一次, 每次半小時, 再餵密d, 即係細佬完全離唔開自己, 我亦完全做唔到其他野, 陪唔到哲哲. 意志力一時薄弱, 家中開了的那罐奶粉, 又再試試開一餐給細佬試試看. 為的不是想填飽細佬的肚子, 我只是想實驗一下, 吃過奶粉, 細佬是不是會哭少點, 易增磅一點, 從而證明, 我是不是真係唔能夠做到全人奶比到細佬
結果和之前一樣, 一用樽餵就不停喊住唔肯食, 勉強啜了幾啖無耐就嘔返晒出黎, 好心痛. 究竟我應該點做好? 埋身餵個效果好似唔理想, 泵出來個數又少(主要無買到奶泵, 用手擠好倦又唔純熟), 餵奶粉又不肯食, 眼看磅數停留, 我可以怎樣?
咁辛苦捱過咁多關, 唔通真係要放棄? 好想喊...
全埋身關係, 完全唔知道自己d奶有幾多脂肪可以比細佬增磅, 於是試著手擠出來看看如何. 放入雪櫃數小時, 人奶分開了三層, 最底的是水份, 中層是後奶, 最頂薄薄一層黃黃的就是脂肪. 唉...得咁薄, 唔怪得細佬唔夠肥喇. 看討論區說bb增磅不足, 關乎奶入面的脂肪多與少 (媽媽吃的夠不夠重膠質的食物如花膠, 豬手, 雞腳), 不過人奶亦很神奇, 會因應天氣季節而作峴調節: 夏天bb需要較多水份解渴, 所以人奶會比較重水份; 冬天要保暖, 所以奶入面的脂肪又會變多, 很神奇呢...所以有可能天氣轉熱, 我的奶才會這樣稀 (亦即是比較不頂肚=.=)
於是我在想: 好不好泵出來再次給細佬試試用樽餵? 這樣才能確保細佬飲到前後奶, 而唔似埋身只係頭五至十分鐘係前奶(重水份解渴多抗體)而飲唔到足夠既後奶(增磅頂肚餓)...
may 27, 12
細佬真係好醜樣! 又瘦又黑又m字額無頭髮...不過公公婆婆反而喜歡這樣的你, 覺得你夠古怪趣緻, 睇下公公同你傾計時, 細佬個樣幾開心比晒反應~
may 30, 12
都係訓低塊面肥d可愛d...
jun 2, 12
(代細佬說)成日訓真係腰骨倦, 這天試著將細佬躺在枕頭坐, 可過腰骨未夠硬淨坐唔到, 唔夠幾秒已經東歪西倒的掉下來, 哈哈, 睇住細佬無能為力跌來跌去個樣真係超好笑 (好變態tim我!)
jun 4, 12
最近細佬喜歡將自己的手伸到直直, 然後舉起再放低, 舉起的時候會望著自己的手許久...是在認識自己身體的一部份及嘗試控制它們吧
jun 6, 12
因為不甘心, 於是約了母乳姑娘再指點一下
姑娘說或許細佬天生就是那種「食少少就夠」的bb, 當然大飽大餓的容易餵, 這一種的bb比較難纏, 唯有密密餵, 他要吃, 就算不夠兩小時也都把握機會去餵. 還有的是, 兩三個月的bb對奶既需求降低了, 對四周好奇多了, 也會食得衰衰咁, 食五至十分鐘就不願吃, 扭來扭去
從前細佬在我肚子裡不吸收, 磅數用盡方法都追不上, 諗住出世後才儲肥他, 點知出左世都仲係有磅數不足既問題. 姑娘還說天生對吃既癮不大, 食少少夠飽就算, 難怪咁瘦唔長肉了 (呢兩兄弟果然很不同, 一個唔洗煩食, 一個就唔願食)
至於常常半夜谷奶痛的問題, 姑娘是建議應該叫醒bb食, 最理想就是bb邊睡邊吃, 我係唔應該忍痛直到受不了才叫醒細佬, 一切都係睇媽媽既意願, 所以...我又開始回復夜奶生涯, 應該說是我自願訓少d, 襯細佬訓緊時抱起佢放近自己心口, 希望佢半睡半醒時, 食得幾多得幾多落肚
沒有留言:
張貼留言