兩兄弟剪髮記

jul 22

細佬頭幾個月時都是m字額, 出世至今從未試過剪髮, 頭髮一直的留長頗好看, 又因為頭髮長長皮膚白白所以很多人誤以為是女孩子來. 夏天來了, 一把頭髮實在太長又太熱, 這天決定帶細佬剪髮. 噢! 實在有點不捨得...

因為哲哲既頭髮都一樣咁長, 所以兩兄弟之中先由哲哲打頭陣, 做個好榜樣同示範比細佬睇下

以前要哲哲剪頭髮是件苦事, 因為每次都總會慘叫大喊, 又要我抱住黎剪. 依家終於叫做可以定定地咁坐低比paul哥哥剪上好一會兒

第一次踏入salon, 即將第一次剪髮, 細佬好奇的望住哥哥樣子好像變了!

這隻臭豬還矇然不知一陣到自己, 仲好似剝花生等睇戲咁

仲係度整古做怪tim! 哈哈, 就睇下你一陣會唔會喊先~

終於到戲肉喇! 由哲爸抱住細佬一齊剪, 比埋兒歌apps細佬睇, ok wor!

越剪, d頭髮跌落黎就越唔自在, 最後還是忍不住周身郁爆喊收場. 為免再嚇怕細佬, 於是稍稍休息先讓哲爸剪, 我就抱抱細佬, 終於細佬訓著了, paul哥哥邊襯細佬訓覺就邊落刀, 剪完兩邊頭細佬還沒醒過來, 總算剪完了

櫈櫈! 打側訓訓住咁剪, 雖然唔係好對稱, 但都收貨啦, 剪短左頭髮既細佬看上去似返男仔了. 我和哲爸的髮質都是又硬又粗, 哲哲六個月時剃頭做胎毛筆後, 軟軟的頭髮從此成了刺豬髮質, 所以細佬現在軟軟的頭髮我們實在捨不得剃, 希望能夠保持得幾耐就有幾耐

剪完頭髮有珍寶珠獎, 平時細佬同哲哲都唔多似樣, 但呢d樣衰衰既神情就似到十足=.=