男人愛高達, 女人唔明白

jul 27

最近哲哲迷上機動戰士, 每天傍晚都要看, 就連上學前重播既電視汁都要撈多次, 暑假期間報了一些興趣班, 時間撞了趕不切回家, 就會埋怨我點解要揀呢個時間上堂累佢無得睇 (呵呵, 開始學識埋怨我囉, 好可愛啊~)

近日一早起身更比兩仔爺當UE咁打, 又鐳射槍又鐳射劍, 細佬在床邊只有睇的份兒, 睇怕過多半年細佬加入戰團, 我就媽媽不行了...orz...

當呢日同哲哲去時代睇高達展時, 哲哲興奮到不得了. 難道所有男人都喜歡高達? 想當年我幼稚園睇華英雄, 小學睇街霸, 魔神英雄傳同聖鬥士星矢, 高達真係一點興趣都無...

高達與紅彗星對峙, 好型啊! 亦見到在場真係人群湧湧呢~

紅彗星霸氣十足!

幾經辛苦先可以影到張高達...

出面實在太多人啦, 於是向入面排隊睇一排過既渣古

「咁耐架, 到我未架...」

哲哲入到去例牌掛住摸d模型, 就好似以為真係有個識郁既渣古咁

細佬慘遭毒手!

做小嘍囉都有階級分的喔~

呢個影相位好得意, 好似一個放大左既模型走出個渣古來

其實以前哲爸都好迷高達, 屋企有過很多盒模型, 去日本更瘋狂到整盒扭蛋一次過買回來, 無奈屋企細, 要騰空更多空間來安置哲哲小時候的玩具. 要是哲哲知道這些事一定好開心好好奇, 實叫爸爸比返d相佢睇

兩個高達迷, 話唔定好快可以一齊砌模型了~