又黎啦! 「We嘩!充氣嘉年華」

aug 11

上次網上投票比賽多得朋友們大力支持, 哲哲和戰隊贏了網上人氣獎, 這天和戰隊們一起領獎狀, 獎品好豐富, 除左有d勞作玩具外, 仲有今次數碼港既任玩證呀! 哲哲知道今日可以再玩一次, 非常興奮, 一早起床係咁催我出門呢~

事不宜遲, 領完獎後哲哲一個馬步去玩上次荃灣沒有玩到的流沙

遠看還真的以為是普通泥膠, 原來是外國進口的流沙, 質感不像泥膠又不像沙, 拿上手很軟, 清理也容易, 抖一抖身上的沙就沒有了, 哲哲玩得很起勁, 因為可以很容易就做起到一個倒模, 睇下哲哲個樣幾有成功感~

砌完金字塔還想砌個雅典宮殿嗎?

見人少少, 哲哲轉戰騎馬仔, 平時D馬仔有得坐無得郁, 呢度d馬仔可以訓練手腳協調之餘, 仲有個跑道可以同場較量, 一班朋友仔可以齊齊鬥快衝終點!

今次哲哲揸牛奶無再咁傻豬豬問係咪真係飲得, 記得上次哲哲不夠力, 很難先揸得出, 今次就好順利, 所以一直都好認真咁不停揸

講起充氣嘉年華又點可以唔玩呢個小丑魚呢? 哲哲念念不忘, 今次玩返夠本, 結果encore左兩次, 睇到哲哲玩得咁開心, 在場外既我都好想落場玩tim

充氣嘉年華次次都有新意, 今次加了新玩意, 入到呢個充氣房度, d波波四圍飛, 哲哲入到去好努力咁捉波波, 捉到成手都係即刻坐低唔郁, 然後走去換禮物, 好醒目!

最後捉到五個以上, good job!