aug 6
自收到canon的確認電話後, 很快就開始我們第一次的拍攝 - 這天是拍造型硬照. 估計是要拿著相機擺pose的樣子, 為了哲哲能夠在鏡頭表現自然點, 前一晚我們在家預演...
ng了無數咁多次, 終於稍為有一兩張是正常的樣子, 唉...哲哲的嚇死人生硬笑容, 真係好難搞...
為了令拍攝場地更認真, 我們還拿來電筒扮打燈照住哲哲, 哈哈, 好無聊呀我地XDDDD
輕輕鬆鬆胡鬧了一晚後, 這天我們來到studio, 哲哲被分成第一組拍攝, 所以不能和jayson一起, 起初都有點擔心哲哲會緊張, 幸而場內的哥哥姐姐都很好, 很快和哲哲就混熟了
導演同收音哥哥正在set 場, 好緊張呀, 見到打晒燈既場, 即時諗起尋晚我地果支電筒真係蚊比牛比笑屎人....更震驚的是, 去到現場才被告知我要一併入鏡接受訪問, OMG! 真係無預料到呢個情況, 早知自己著靚d個頭梳好d喇...
「可以講下哲哲個性格嗎?」「有無諗過自己會得獎?」
「今次參加比賽有咩得著?」「對哲哲黎講有咩改變? 」
好緊張好緊張, 原來好多盞燈+好多部cam+好多人同時望住你接受訪問時, 真係好唔自然, 個腦一片空白, 完全唔知自己講緊d咩, 幸好旁白哥哥帶領著我如何講, 跟著他的指示, 總算完成了任務
等待埋位時哲哲和白豆的sweet moment~
有位姐姐(不知道是production hse還是canon的人)說很喜歡哲哲張相, 在submit照片的時候一見到張相已經笑左出黎, 試鏡那天聽到哲哲還面帶不悅說細佬是怪獸就更覺搞笑, 明明細佬就是可愛的嘛. 哲哲也只有傻笑的一份兒~
輪到哲哲拍profilo了, 看同組的小朋友表現都很淡定, 反之哲哲就古靈精怪不停轉pose, 我正想打眼色要哲哲正經的笑, 導演叫攝影師不要定下來逐格影, 執生隨時捕捉表情, 還讚哲哲表情夠特別, 心裡想: 這個導演唔出聲好惡咁樣, 但對哲哲很了解很關照啊
jayson都黎到喇! 見到朋友仔哲哲緊係開心啦! 工作人員仲好醒目買左好多零食果汁哄d小朋友, 睇下哲哲食得幾開心! 邊似拍野姐? 似開party多d bor!~
做童星拍硬照認真唔簡單, 除左擺擺pose影相之外, 仲要拎住相機, 邊跳彈床邊擺pose...
導演說哲哲係怒星, 要將佢心裡團怒火跳晒出黎XDDDD
(事緣試鏡那天哲哲到最後不太合作, 太緊張導致面黑黑完全不說話, 導演問哲哲是否好怒, 好唔鐘意呢度好想走, 哲哲又無厘頭點頭話係好怒, 所以導演就咁樣笑哲哲喇)
本來都不是太明白哲哲被選中的因由, 現在總算知道...一場真人show總會注入哲哲呢類出位麻煩搞事既人黎點綴下個節目XDDDD
拍攝完畢, 這天的表現不錯, 就獎你一杯雪糕啦~
過兩天正式開始一星期兩三天的長時間拍攝模式, 加油呀, 哲哲!!!
沒有留言:
張貼留言