齊齊做簡單好吃的牛乳布甸

nov 12

這天為了一個特別的任務, 和哲哲一起親子入廚, 做簡單又好吃的牛乳布甸

點解突然想吃牛乳布甸? 事緣想起兩年前和哲爸說起想學整牛乳布甸, 哲哲誤聽為「牛丸」布甸, 即時面色大變頻說味道古怪一定好難食, 想起哲哲那個樣子真的好好笑, 和哲哲說起舊事, 哲哲也不好意思的笑自己傻豬豬~

份量及做法不詳談, 想知的朋友請click這裡翻看舊文

分工合作, 哲哲幫手看準量杯, 我就負責倒牛乳, 哲哲真係好緊張, 多少少都即刻提醒我「夠喇夠喇太多喇!」

用電子磅量砂糖仲搞笑, 見多左果少少, 偷食幫我夾到齊頭XDDD

基於廚房太簡陋, 爐頭太多雜物, 不太方便讓哲哲埋爐頭, 於是用打邊爐既電池爐助熱d牛乳, 砂糖同溶合了的魚膠粉. 哲哲都很醒目, 知道煲子傳熱不好摸, 攪拌牛乳時也很小心不會太大力

細佬也訓醒了, 見到我地開壇咁多野玩, 呱呱叫都唔夠, 仲想爬床出黎tim~

所有材料溶合後, 稍為攤涼可以倒入杯啦! 哲哲倒完第一個杯說膠杯好熱好難拎, 所以要我幫手齊齊倒呢~

放入雪櫃, 等兩個鐘就食得啦. 心急既哲哲成日打開雪櫃問食得未, 哈哈, 我說成日打開入面唔夠凍就聽晚雪唔成了~

食得喇! 哲哲食過自然知道好味, 細佬從未食過, 一開始都有點猶豫, 食好定唔食好呢...? 究竟又好唔好味呢...?

講都多餘, 睇片都知道有幾好味喇~ 今次個牛乳布甸咁成功, 哲哲好有滿足感呢~

簡簡單單的牛乳布甸就係咁易整, 冬天繫上絲帶結, 就可以當成xmas party的甜品了

親子入廚真的令我們很enjoy, 一家人能夠將所有事拋諸腦後, 專心一意的下廚, 有得玩又有得食, 整作過程閒過家常, 日後又可以分享箇中趣事, 真的一樂也. 隨著細佬越來越大個仔, 可以找一些兩位劉生都可以一齊參與的親子煮物先~