aug 31
今日行程真係好豐富, 最後一日留在sentosa, 務必要把握時間去盡想去的地方. 晚上我們在園內kfc快吃, 趕緊到S.E.A.海洋館睇魚魚
這個節目專誠為細佬而設, 哲哲對動物海洋之類沒有什麼興趣, 和他到海洋公園動物園之類總是催促著去玩的多, 細佬則相反, 每次在街, 電視又好書本又好, 一見到公仔/動物之類就會興奮地尖叫, 所以這個節目專誠為細佬而安排啊, 意料不及, S.E.A海洋館異常好睇, 哲哲第一次睇得這樣投入, 差d唔願走呢~
在我地去左adventure cove waterpark時, 細佬同奶奶在sentosa四圍行, 倦到食晚飯時才睡著, 原本都擔心一場來到難不成整場都在訓? 好在入場不久已經醒左, 錯過了晚飯, 唯有邊食麵包邊睇魚喇...
這裡真的有好多魚, 每一個角落都令人睇到好入迷, 細佬好肉緊, 每見到魚就邊叫魚邊整個「魚」樣出黎XDDD
這個大魚缸和墾丁的海生館有點似, 細佬睇到眼定定, 抱佢影張相都想逃脫
這是海星角, 可以比小朋友接觸海星, 細佬見哲哲用手摸又嚷著要, 一d都唔驚
顏色漂亮既熱帶魚
細佬:「魚~~魚~~」哲哲:「嘩, 好多黃立倉呀~~~」
(哲哲, 唔係黃立倉黎, 咪個腦成日諗住食先得架!)
「媽咪, 我笑得似唔似魔鬼魚?」
哲哲終於找到佢既愛最了! 一開始時哲哲問:「呢度d 魚有咩好睇姐? 行快d啦, 我想去第二度玩」. 再睇落去, 已經被不同的魚吸引著, 當中哲哲對魔鬼魚情有獨鐘, 只因我地話魔鬼魚個樣好似對住佢笑咁, 跟住哲哲就企左係度好耐好耐, 為既就係想望魔鬼魚點對住佢笑. 哲哲好傻豬, 好可愛呢~
上次墾丁的海生館都有見過呢種魚, 好搞笑!
還有不同型態既水母, 這裡的品種比香港的海洋公園多好多, 而且樣子好趣怪呢~
呢個就係全xx最大既魚缸啦 (全亞洲定全球呢? 忘記了...), 真係大得好離譜, 又大又圓又深, 走去另一邊睇都睇唔完, 哲哲黎到呢個大魚缸又繼續找念念不忘的大魔鬼魚
在這裡吃晚餐, 真的有格調 (但先要帶足夠既銀兩, 但要有厚面皮先得, 因為好多人出出入入望住晒...)
睇到收館都只是勉強睇完, 實在太好睇啦, 臨走與鯊魚合個照先
門外還有紀念品售賣, 都很有特色, 挺可愛架~
小貼士:
- 同館還有個海事博物館, 購S.E.A.海洋館的票就可免費參觀, 時間太緊湊, 我們都沒有時間細看. 要睇晒兩個館的話, 建議預至少兩個半小時
沒有留言:
張貼留言