假如我是大雄...

這天放學的時候, 和哲哲閒聊, 東講西講, 忘了說什麼說到三項鐵人比賽 (太幸福了, 話題多到轉換得很快呢~)

「媽咪, 點解我學左成個暑假仲未識游水既?」

「要學一樣新既野並唔係短短數月就能掌握得好架, 一定要持之以恆, 就好似果本『一生一定要認識的全球領袖五十人』, 入面個個主角原本都唔係好叻, 但全部都好堅持去做一件事, 所以最後會成功囉」

「媽咪, 咁我依家咪好似大雄咁, 一樣唔識游水囉?」

「係呀, 唔識游水, 第日有朋友仔約你出海玩, 個個游到出面得你一個咁大個人仲要用卡通水泡岸邊游, 幾醜怪XDDD」

「丫...如果我係大雄咁就好啦...」

「下?! 大雄唔識游水喎, 你仲話想做大雄?」

「咁我似大雄又懶又唔識游水, 成日功課零蛋, 但佢有多啦A夢幫佢嘛, 如果我係大雄咁我就可以成日偷懶都有多啦A夢幫我手喇」

昨晚正在沖涼的時候, 細佬在門外不停拍門邊大叫邊喊, 哲爸剛好回到家, 問究竟發生什麼事:

「細佬, 你做咩咁曳曳係度係咁喊呀?」

「細佬可能以為媽咪入左『隨意門』, 唔知去左邊, 以為以後唔返黎, 好掛住咪所以喊得咁犀利囉」

哲哲, 你肯定不知道多啦A夢往後的劇情. 大雄現在雖然又懶又無用, 讀書做事無樣叻仲成日喊住要多啦A夢幫手, 不過正因為有多啦A夢既鼓勵同支持, 大雄慢慢能照顧自己, 不再事事依賴

多啦A夢在現實中是虛構的, 不過能夠遇上幫助過你, 能啟發你的人, 也算是你身邊的多啦A夢, 到時記得好好珍惜呀~