嘩鬼大鬧南昌公園

oct 27

每年十月, 嘩鬼出籠既季節又到啦! 呢日約埋一眾「老友鬼鬼」在南昌公園搞搞震~~

時間尚早, 先在公園放放電

呢個樣超抵死呀! 話說叫細佬笑, 細佬就好乖坐定定依起棚牙「Eeee」咁笑, 鬼咁假XDDD

放我出去, 齊人我要變身啦...

搖身一變, 細佬就著左套可愛南瓜服, 仲肯戴住頂南瓜帽成場無除過, 好似抽手袋咁抽住個巫婆糖果袋, 嘩~~~實在太可愛啦~~~

幣! 比細佬發現左袋入面既秘密tim!

哲哲今年造型同前兩年一樣著返呢套「萬年牛魔王披肩」, 太無新意啦, 唯有加多支咕顱骨權杖比d氣勢; 細佬則圓我心願, 著左套南瓜衫做左可愛既南瓜小鬼

(真係感動, 哲哲細時無得比我扮, 難得細佬任我魚肉, 黎緊聖誕節又幫細佬著造型衫先!)

「喂, 細佬, 你睇下果度幾多鬼?」「係喎, 等我食埋支糖過去會一會d老友鬼鬼先!」

個個造型都好得! 最爆既係owen既自加燈鐵甲奇俠同eason既蜘蛛俠, 真係唯妙唯肖, 入晒戲!

仲有鹽蛇, superman同愛麗絲 (米b個造型好夢幻好靚呀, 呢日仲好照顧細佬, 成日拖住細佬玩, 米b問親細佬做咩去邊好定唔好, 細佬都一定乖巧答好, 怪唔得米b之後走去同哲哲講『哲哲, 你細佬細過你但乖過你好多丫』, 嘩卡卡卡)

黎張大合照先!

扮鬼扮馬完, 個個在草原上玩捉, 跑到筋疲力盡. 呢日哲哲話好高興同到好多好朋友一齊玩, 細佬就更開心, 因為第一次可以跟住哥哥一齊, 攞正牌周圍問人拎糖食, 食到無停囉XDDDD