【裝修】廚櫃落實「名家廚」

apr 19

除了地磚, 廚房都是我們重點改裝的項目. 現在家裡的廚房長條型其實很好用, 只是儲物及準備食材的地方不夠用, 因為我們常常在家弄飯, 自然想廚房格局裝修得好一點, 方便自己日常煮食

裝修師傅報價和專做廚櫃的公司價錢差不了多少, 很快就決定幫襯廚櫃公司. 我們相信廚櫃公司會比一般裝修師傅在這門內專業, 格局擺位方面可以給我們多一點專業意見, 而且用料及設計也會更襟用, 更多選擇  

一月中開始到灣仔的樓上鋪, 沙田home square及荃灣廣場的廚櫃公司打價問設計, 期間我們又上網做資料搜集, 暫時鎖定「中x」及「名家廚」為目標, 前後四次去過沙田同荃灣的門市, 感覺如下:

中x

• 網上較多可參考既評價, 除了在討論區外見到有人談論, 有時見到d裝修blog都有實圖同分享, 內容都是正面的, 縱使呎寸有出入, 「中x」都很主動及快速跟進幫blog主解決問題
• 段呎計廚櫃較貴, 特別設計既拉籃同門較都比「名家廚」貴, 但廚櫃的五金門較不是用較有名的blum, 而是用hettich (簡單講, 無論你加咩改咩都係錢)
• 職員感覺比較專業, 表達能力較好(可能是多說多錯, 少說少錯XDDD), 談到我們對廚房的要求時, 能夠第一時間比到我們一些新的意見, 當我們ban橋時都會比到其他idea

名家廚

• 網上幾乎找不到相關評論, 曾經在某討論區看到疑似「用家」分享廚櫃的圖片同意見, 是否真正用家有待確認
• 段呎計價錢較便宜, 櫃桶既拉籃五金也比「中x」平, 某些項目不用另收費, 聲稱五金用料選用kessebohmer, 門較用blum, 級數相較上乘
• 兩間門市既職員都好「吹得」, 談論一樣野可以講到範圍好遠, 叫做比到多d 額外既info你認識, 不過我還是喜歡單刀直入, 唔鐘意將問題兜圈

錢字行頭, 「名家廚」確實比「中x」平一點, 兩者初步預算相差5-6k, 這個價錢可以多買一個五金拉籃了; 另外「名家廚」的presentation看似不及「中x」, 或者是個職員其實好有經驗同好多想法, 只係不擅於表達出來, 出圖時或者比到驚喜我地呢~

我們相信眼前既事實, 用料牌面上也是比「中x」優勝. 考慮了好幾晚, 我們決定扑鎚「名家廚」

去到「名家廚」, 和職員再次溝通, 幸運地剛好有另一個住隔壁村既客幫襯做廚櫃, 個積同個呎寸和我們家既廚房一模一樣, 正所謂前車可鑑, 職員對我們家既廚房好似了解了很多, 給建議的地方也一針見血

擺低$300, 預約左今個星期六上門度呎, 一星期後可以出圖商討, 要是confirm的話$300度呎費可以在張單度扣回

好緊張, 考慮歷時三個月既重點項目終於做了決定, 希望一切順順利利