【裝修】短租屋拎匙lu~

may 16

上回說到短租屋難搵, 幾經辛苦終於找到一間短租屋仲非常近我們現居, 簽約的時候因為有另一個短租租客, 所以不能上樓望望, 只靠電腦幾張相仔就簽了

上手租客完約, 緊接著我們的租期, 這天終於從agent手中拎匙. 入到屋, 嘩, 好細呀!

吉屋一間, 方便我們將所有傢私搬入, 慳返另租倉放傢私雜物錢, 只是屋子太細, 要好好想一下, 有什麼東西是真的要帶來這裡

三百幾萬買三百零尺咁既屋, 頓時覺得自己屋企好抵住, 只要裝修翻新過, 住上十年八年舒舒服服, 慳返幾百萬做咩都得

簡陋的廚房, 勝在正正方方, 放得了雪櫃又放不了洗衣機, 看來雪櫃要放廳. 小焗爐也沒位放, 可以提早給娘家

空間狹窄的廁所, 轉個身都難，不過沒有異味

主人房有地台, 讚, 那就不用搬張油壓床過來了

大小劉生的房子. 哲哲可以試試訓上格床會不會碌落地了, 哈哈, 細佬依然要訓bb床, 暫時就先預演兩兄弟一起訓的情況吧~

雖然屋子小小, 不過整間屋很光猛, 果然客廳有窗有自然光入屋, 成個感覺開揚晒, 而且很通爽，比起現居(甚至之後的新居)好太多了

拎左匙, 係時候開始做清潔, 度大門房門的尺寸, 看看插頭tv線的分佈再決定暫住的大小事宜了