【裝修】搬屋公司邊間好?

may 7

搵到短租後, 求其在通勝擇個吉日決定找搬屋公司報價. 為怕星期六日搬屋人多full booking, 我們決定揀星期五, 一來少點人, 二來搬家後有星期六日兩天可以留家unpack

日子選定後, 點算了家中大約要搬走的大件傢私電器, 上網看到兩間信譽不錯多人推薦的搬屋公司:

• 寶信. 這間在facebook某煮食group有好幾位姐妹推介, 價錢稍貴, 但好手尾又無損毀. 寶信有一套報價程序, 先在官網填表格, 表格有詳細既資料要填, 填好後隔日就回覆了有關價錢. 依這次為例, 寶信回覆提供三十五個紙箱, 封箱膠紙同bubble紙, 幾件大型電器傢私連鋼琴(琴送回娘家, 當一個新的地點計), 不需抬樓梯, 價錢要$4180
• 立順. 同樣都是在facebook group內姐妹分享的, 同等條件, 電話報價$3600, 包四十個紙箱和封箱膠紙, 如需bubble紙另加$100/卷

和預算差不多, 本來打算約實立順就算. 突然醒起, 要搬屋, 點解唔搵搬屋達人既珍姐呢? 果然一問珍姐即刻有好介紹, 珍姐這幾年大大小小搬了無數次, 每次都找同一間搬屋公司, 一問之下價錢果然至抵, 有珍姐介紹直情放心晒

問珍姐拿了卡片, 打了電話, 上門報價後, 全屋約需三十個紙箱, 連bubble紙報價$2000, 鋼琴送另一個地址加$900, 即是$2900就可以了! 比起之前兩間還要更平!

本來擔心三十個紙箱不夠, 負責人佘生說衣櫃雪櫃的可以不用pack箱, 除了玻璃要額外包好, 他們可以用包鮮紙原個包起衣櫃直接搬走, 慳返不少入箱時間

搬屋那天, 三百幾尺既屋佘先生派來五個大漢入屋幫手, 手腳極快, 看他們分頭行事, 個多小時就清屋走得了. 搬到新家還很好的幫我們駁回乾衣機洗衣機喉, 整個搬屋過程快靚正有禮無手尾, 由開始到新家放下所有東西大約兩個半小時就搞掂了, 無怪最後奶奶比貼士也鬆手過人, 哈哈~

(22/8更新) 收到很多朋友的留言, 我們幫襯的搬屋公司叫漓江搬運公司, 負責人叫佘先生, 電話google下就有, 在此不便留電話了