apr 10
走過了很多鋪頭, 也看過了很多不同產地的地磚, 得出總結: 進口磚不論在色澤紋理同款式方面比大陸磚優勝, 價錢自然比大陸磚貴一截, 雖然某些鋪頭會有特價既進口磚, 價錢猶如大陸磚般吸引, 可是產地及牌子不出名, 質素分分鐘和大陸磚比好不了多少
基於有保證既進口磚太貴我們買不起, 特價的進口磚又不敢搏, 最後上網一輪research, 發覺中國十大名牌磚當中, 樓蘭同馬可波羅比較多人推介, 決定大膽試用大陸磚
鎖定目標買大陸磚後, 究竟返大陸買, 還是在香港買好呢? 網上的意見很兩極, 以下節錄部份支持香港買磚網友既說法:
- 人民幣匯率貴, 時間車錢夾埋平不了多少, 香港買價錢唔差得遠, 有咩問題香港容易follow, 可以返鋪磚換磚鋪磚都方便d
- 大陸d鋪放出黎display既磚又直又靚, 到你訂果陣可能比d唔平又曲既次等貨你, 加上運輸粗手粗腳, d磚唔係崩口就裂邊, 落到黎爛緊1/3唔係奇事, 唔夠又要上去補貨, 車錢時間同運輸錢都蝕晒. 如果有人介紹邊間買得過我就會買, 盲中中搵間無熟人介紹既就唔夠膽試
- 大陸地磚, 同一牌子都分幾個等級, 比你睇就優等, 落到黎就劣等. 價錢平貴同質素冇關. 個個都係博你唔識, 開高幾倍再減一半俾你, 都依然勁賺你, 然後再俾最差品質既你
- 間屋住十年廿年, 買好d穩陣少少, 少獲氣襟住都抵返晒. 貴幾千都o係香港買埋算了, 幾千o係條裝修大數里面都唔算得係乜野錢, 但慳左少少, 出了問題影響就好大了, 分分鍾成個工程拖住哂…
- 計錯所需要既磚既數量 (過多/過少), 補磚既批次又可能唔同色
- 買大陸磚無問題, 但最好香港買大陸磚. 因為大陸分好多grading, 除非識人有人refer邊間有信譽, 否則落左d次貨唔通成噸托返上去又要自己follow up?
- 運費條數無得計, 運輸開幾多錢連費任佢講, 唔通你唔比由得幾噸磚自己抬咩而支持大陸買磚既網友又有這樣的說法:
- 香港d大陸磚咪一樣大陸落黎, 既然都係買大陸磚, 點解要比人食一水唔直接返大陸買?
- 話就話人仔貴左, 但圍起條數依然平過香港買
- 普通磚可香港買, 但如果馬賽克就大陸真係平好多
- 大陸買磚仍然平過香港, 選擇多, 但因人仔升咗, 加上加價, 差距收小, 但買門仍然平一半
- 如果一次過買齊龍頭潔具, 燈飾地磚, 返深圳買料確係平得多
- 如果返大陸買磚, 一定要買十大品牌磚, 我就買左「馬可波羅」品牌, 每一塊磚都印有佢地牌子
另外, 裝修師傅曾說過, 大陸買長條磚, 越長越幼越易彎, 所以要考慮清楚, 找家有信譽的鋪頭, 如果買大塊磚影響會少d. 大陸買也不是完全不可信的. 如果香港買大陸磚的話, 可以去合x隆, 尚x, 這兩間在灣仔算是有信譽的
**補充資料
上網刨文的時候看到這講大陸磚的文章(資料來源: 南記磁磚), 有興趣買大陸磚的朋友可以看看:
一，選擇來源地，好多人係選擇磁磚既時後，都會考濾到底應該買進口貨還是袓國貨？
首先，最好係根據自己預算選擇，係選擇過程中，先要了解二者間質素與價錢分呀，唔好以為意大利一定係靚，大陸一定係差，意大利靚 既係佢既設計，款式，與質素無關，亦好多好意大利廠，可以係好垃 圾，當然，大陸亦然，所以係選購時後，著眼於廠商既商譽，喜歡既 款式，而唔係來源地，價錢分別大約係一50%上下。
二，款色，大陸既生產商會抄意大利既設計款。而用家係選擇款式方面， 最好揀一D比較簡單款式，越簡單越唔會過時，越時興越用易OUT 。視乎個人需要。意大利款式多，變化多，紋路亦多，一間靚既廠， 可以係一款形號出七至八隻不同紋理不同深淺花紋，單一款磗以經可 以造出好多不同既層次，呢點係大陸廠唔肯造既，因為投資比較大， 唔係造唔到，係唔肯造，試問一下，如果大陸造，要意大利價錢，閣 下會否比錢買...，所以造左都無人買。晒氣。呵呵
三，質數，最多人買磚往往係無留意質數，大多數會比磚美麗既 外表所吸引而忽略既實用性同作用，一件做得好既磚唔單止要平，直，光面磁油要夠油潤，夠厚，表面無針孔，無火山爆發，呢D係細心 留意都會見到，由其係牆 身磚，更加用易睇到，地磗注意既除左平，直，之外，磁油要夠硬， 磁油不易花，用家打算用邊個位置亦要注意。而磗普遍亦分二類，牆 身，地台，牆身只可以做 牆，而地台分別可二用，當然價錢上地台一般會比牆身貴小小，另外 戶外同戶內亦有分別，越大呎吋所承受既重力會相對越小，大呎吋既 地台，一般不適合做戶外， 呢點大家亦需留意，相對戶內既要求無咁高，一般24吋家用以目前 國內生產技術都唔會有大問題。
四，級數，其實每一間大陸廠，或意大利廠既生產線都會分級數，級數亦代表左件貨既品質，並唔係單單指國內既廠先會有，國內多數會 用優質品或AAA來定為級 數，大家係買磚既時後，有需要可跟據自己要求向商家表明需要之等 級，係價錢方便亦會相差好遠，有D人可能用來餔個工人廁或房，無 需要咁貴，亦可以考慮，而 進口一般都唔會講比你知係咩野級數，亦唔多人懂得分別，一般香港 商戶其實都好小會番二級貨呃人，其實只要細心留意箱面寫既字就知 ，好易分別，而大陸就真 係經常有，所以一定要求佢箱面注明優等品，點解有時大家會係大陸 見到同一款色，點解唔同餔頭價錢出入會咁大，就係有D人買緊二級 貨，呵呵
五，色號，每一間磁磚生產商，生產每一款磁磚都會有色號之分，因為磁油每次調較顏色都有一定難度，所以就算同一款色唔同生產期都 會有唔同既顏色出現，如果 買完之後唔夠貨要補貨，必定要跟色號補貨，收貨時後亦必定要留意 每箱上面色號號碼是否完全相同，否則餔完出來變晒陰陽色，有某D 大陸商戶因為數量唔夠，會 抄大會咁幾隻色號混埋一起賣比客人，到收貨時發現以經太遲，香港 回大陸需要打關稅，你掉左佢會平D，餔左重大件事，人工重貴過料 ，值得大家留意。
六，數量，係大家決定買磚既時後，由其係番大陸買，既數量一定要預多，有多無小，防唔夠時後要補，運費支出同師父等待既時間亦要 預計入成本內，否則除時會貴過你係香港買，得不償失。
七，運輸，一般大陸司陸到香港，一頓計大約係二百五十至三百，車邊收貨，唔包上樓，而香港區要過海可能有D會收貴幾十元，不過希 望師兄們最好叫佢地幫你上 埋樓，比多幾百元運輸，你計落條數會賺得多D，因為佢地係專業， 一個鐘唔洗以經搬好，你叫師父搬，條數重會貴D，香港師父人工每 日計數，一個師父一日人工 最小都九百，自己計下數先決定啦。
八，價錢，呵呵，最多人關心既問題，其實如果講緊大陸既名廠，價錢大約會係意大利進口既三份二，唔會平好多，至於果D不知明廠就 真係可以相差好遠，另外可以提一提如果數量唔係咁多，香港買唔會 貴過你大陸買好多，平均多20%，所以要考慮清楚，因為時間運費 ，補貨，各樣。二級貨亦會平50%以上，當然質數會有出入。
九， 木紋磚，依家大熱既木紋磚，有好多大細不一既款色選擇，各人亦可因應自己選購，要做得似木紋，最好係原裝邊，邊位唔會露白，宜選 購比較長幼適中既呎吋，花 紋要多，小重覆，又以200x1000長度最為合適同理想，太短 600唔似木，太幼150驚佢曲易斷，太粗300自己幻想一下點 餔得似木，，而餔法三份一 三份二最為理想，大家可以考慮一下。
十，拋光磚，係幾十年前到今時今日都係最多人會選擇既貨品，表面光潔平滑，選擇拋光磚，宜選24吋以上呎吋，其實拋光磚以經接近 停產邊緣，由其係16同20吋呢d產品，一般都係廠家生產左好耐 既貨尾，而呢d貨尾都係好耐之前既貨品，係品質上有大部份可能用 好 舊既制造方法，品質係豪無保証，如食色，易花，為免用後日後麻煩 難清理，最好係買依家市面正常出既呎吋(24吋)價錢方便一般都 係8至9元呎，超級低用， 質數亦可放心，好多用家會覺得24吋大會顯得間屋好細，其實係錯 既，無論屋大屋細都好，越大既掃口位越小，出來效果一定係越簡潔 大方越靚，至於什麼納米防滑，咪聽人吹，幾元呎既拋光磚，無可能 會有納米，咁光滑既表面點可能防滑，d人吹得就吹.廳房地台盡量 深色，深色比較有層次，因牆大多數用淺色，磚既深淺係唔會影響屋 既光暗，光暗係睇你用幾多燈光，要留意下。
十一，仿古磚，亦係好多年既產品，不過以前經常性用來餔花園，依家慢慢較多人接受餔室內啦，較多年青人使用，一款設計得好既仿古 磗，同樣花紋要多，深淺要 不一，油面夠堅硬，表面要有質感，感覺自然，但相對表面亦會比較 粗鞋，適合一般家庭有小孩老人家寵物使用，由其係養寵物，腳會因 表面平滑以變形，要留心一 下。
十二，磁磚用料計算方法，首先睇下自己揀既磚既呎吋，比如你揀件磚面積係長12吋X闊18吋，咁你用144除12在除18=0. 66666在乘番你要餔磗 既面積，咁就 等如件數，假設我廁所牆身係200呎，咁即係144除12除18 乘200=133.333件，牆地相同計法，全部用144除磗積 乘所需要既呎數，計算廁 所牆身方法，好簡單，搵呎拉四面牆加埋在乘樓高，唔需要扣門口同 窗，當係損耗，咁就一定岩岩好啦，點解會係用144除因為每平方 呎係12X12囉，呵 呵，地台計算方法亦係一樣，分色做牆身或腰線，只要計到四愊牆週 界加埋，除件腰線闊度等於件數，件數乘你要餔下色既高度等於分色 做既下身，在係總磚數扣番 下身數量，咁就計晒所有分上下色做既數量，呵呵。
十三，包磚與否？其實包磚係無著數，大部份包磚都係講緊十元呎，小左唔會補番差價，但多左你必定要補，反而谷限你選擇，所以根本 無需要。
十四，掃口粉與白英泥分別，二者分別在於，白英泥乾燥易爆，潮濕易發霉，而掃口粉放有放霉作用，富彈性，但相對施工時後清理較難 ，師父唔熟識工序事後清理亦較白英泥麻煩，要多加留意。顏色配撘 因個人喜好因人而異，有人喜歡黑撞白，自己喜歡，無必定既。但你 唔講，師父一定係配番磚既顏色。
十五，補充既係，大家係選購時後，盡量控制顏色多小，一個廁所最好唔好多過三隻色，有d人，牆身一隻色，地台一隻色，企缸一隻色 ，重要加埋花，做左出來效果一定差，道理好簡單，你係一個有限既 空間，不停咁放置好多物件，只會做成壓迫感，豪無美感可言，你重 要加埋座廁面盆，浴屏，你想像一下加加埋埋到底有幾多隻顏色係廁 所到？可以既最好一隻色做晒，通透好多。
十六，價錢補充 見到有D師兄妹既POST，都係比一D師父老點買磚，係到大致上咁提一下個價錢，大家心裡有一個預算，亦算係一個購買指標參考。 如果講國內既一隻大廠名牌(馬可XX，鷹X，殺米X，杜拉格X 樓X，簡X，普遍呎價係香港買20-40元呎，以經可以係超級靚 磚，其他二三線超過20元呎，要諗諗，意大利西班牙既，名牌大約 係60-80元呎。國內同香港差價大約係20%上下(以同等牌子 級數比較)，以上價錢需不中亦不遠矣。
十七，發覺好多人跟師父番大陸買磚，希望大家係買既時後，自己先做一下調查，唔好一味相信師父，唔係話師父呃你，只不過師父只係 識做，佢唔識邊間廠好與壞，大陸過仟間廠，師父唔係賣磚既，佢無 可能知道邊間廠好，邊間唔好，自己先做下搜尋先，依家電腦咁方便 ，大陸廠，衰起上來，可以衰到你唔信，到時有間題，自己亦有一定 責任，加上有d師父可能食回扣，佢只會係利益方便想，佢係唔會理 會亦都唔會知邊間廠好，其實細心諗一下就明白，一個真真正正做野 既師父，如果佢無著數，佢根本唔會有時間亦唔會浪費時間同你番大 陸四圍搵磚。大家留心一下啦。
十八，接下來講一下大陪份磚既餔法同效果，先講木紋磚例子。
三份一，三份二餔法，留意重覆行數，可以係第三行或第四行，無一定準則，亦可以亂工餔，一定要事先同師父溝通清楚
沒有留言:
張貼留言