【裝修】電器篇 (12/7更新)

大出血! 裝修後, 基本上所有電器都要重新買過(除左個乾衣機外), 家電方面我沒意見, 哲爸做了一輪research, 暫時有以下心水:

冷氣

大廳要裝分體式冷氣, 網上一致推薦大金(FTXS50F)襟用夠靜, 可以出冷熱風, 加上朋友做冷氣有平, 可以同佢攞貨

兩間房就會用hitach, 有時看到有些窗口邊的款式只有一邊出風, 而呢部hitach(RA08LF)可以兩邊出風, 咁就可以四個角落都吹得平均, 唔會吹極都唔夠凍喇

焗爐

以前家裡用delonghi小焗爐, 用黎焗下雞翼曲奇餅都唔錯, 隨著入廚經驗越久, 煮食方面開始想挑戰更多的食物, 既然重新裝修個廚房, 就想徹底一點換部嵌入式焗爐. miele和electrolux都可以蒸焗兩用, 不過價錢outbudget

呢部electrolux(EOB5450AAX)內籠夠大, 家用來說很足夠了. 德國製做, 同級既焗爐無佢容量咁大, 而且electrolux既家電一向有保證, catalog亦印製得仔細精美, 對於消費者黎講有清晰既資訊方便下決定啊

雪櫃

哲爸經常很晚回家, 回來的時候會拋下一句「頭先好忙未食飯, 屋企有咩煮呀?」家裡的冰箱容量太細, 我們家的飲食習慣要想吃的時候有雪糕雪條, 有凍肉in case哲爸突然回來吃飯有餸加, 急凍水餃雜丸腸仔也要常備預煮宵夜麵餐, 常常塞爆個冰箱都覺得唔夠用, 所以一個大容量既冰箱對我們來說是非常重要

揀samsung(RL52TEBIH)係貪十年變頻摩打保養, $56xx咁既價錢仲要韓國製, 而且冰箱夠大, 外表夠型, 雪櫃門有電子顯示屏, 得知每格入面的最佳溫度

大門門鎖

來自星星的你紅了samsung的電子門鎖, 做不到都敏俊千頌依的鄰居, 好歹也要配個韓國鎖. 傳統的大門門鎖唔夠型仔, 於是想換個電子鎖. 指模款的唔岩我(因為我有主婦手, 肯定唔過關入唔到門口=.=), 所以揀左samsung的入門級(SHS6120), 可拍卡+鎖匙+密碼, 三重保護夠晒用

今日(12/7)再去睇門鎖, 原來(SH6120)款太舊停產了, 職員轉為介紹呢款(SHS6020), 價錢比之前的貴, 不過買大門間鋪連門鎖買全單有85折, 計落比原來的款貴左三四百蚊, 都ok喇...

電視機

慳得就慳, 電視未壞本來唔打算換, 點知屋企部panasonic唔聽話, 等唔到回舊居, 早兩星期壞掉了, 未計維修費, 只是上門檢查都要$690. 既然都壞, 索性換部新

去到百x匯, 眾多牌子款式中真係唔知點揀: sony畫面靚d, 價錢包埋個掛牆架; panasonic就五年保養, 但畫質無咁清...講到底都係個人喜好, 硬係覺得sony清d靚d個款都型仔d

抽油煙機

抽油煙機不二之選, 一定係富士皇GFP900V. 曾經因為價錢考慮了一段時間, 不過electrolux同富士皇比, 富士皇網上好多人讚吸力強而靜, 只有買貴就無買錯, 預計將來都會經常烘培烤焗, 唔想一屋都係異味, 最後鐵定富士皇. 顏色方面想揀大路的顏色, 不過門市說黎緊果批貨會加價, 餘貨只有香檳金同白色, 最後選了白色襯返個白色廚櫃

洗衣機

現在的洗衣機沒壞, 不過新居的時候要轉用大眼仔款, 所以要物色一部襟用既大眼仔機. 一屋四人洗衣量驚人, 基本上隔天就要開機洗衫. 考慮到要大容量, 轉速要高又要薄機, 金章聽聞近年出產的唔夠以前襟用, LG飛歌samsung賣同樣價錢, 比較過品牌效應同網上既評價, 都是西門子比較多人選用, 信心保證. 而呢部西門子(WS12O260BY)最高有1200轉速, 可裝六公斤衫, 個樣仲幾靚仔, 一於試下

煮食爐

當初在電池爐同明火爐當中掙扎了一會, 電池爐美觀慳電易清潔, 而且煮食的時候不會令廚房很熱很高溫, 不過網上很多人都說煮出來的食物唔夠火喉, 對經常煮飯愛爆炒的我們來說, 不是我們的首選了

明火爐毫不猶豫選擇了TGC, 售後服務好, 以前爐頭有問題時, 打個電話很快就有職員翌日上來. 去showroom睇過幾款爐, 三個爐頭的又用不著, 兩頭的有些太單薄, 感覺放我的staub上去會好唔穩陣, 炒菜的時候更會搖搖欲墜, 最後選了TGC(TGC TRJB72NTC)嵌入式的「極炎火」, 可以預較時間制, 五個抓頭又厚又重, 好實淨唔怕廚具會搖, 火力比較強 

浴室寶

浴室寶會pansonic同KDK二揀一, 網上有說KDK個內膽同pansonic係同一舊, 而KDK平幾百蚊, 所以揀左KDK(KDK40BEBH)

還有空氣清新機, 濾水器同小型家電廚具未買, 個清單好長, 好窮呀~~