我們是屋村仔~

jun 8

這天下午約了公公婆婆吃放題, 早上沒事做, 冒著熱到會中暑的環境下, 應承哲哲同佢落樓下踢波踩單車

細佬也帶埋戰車一齊出動! 冬天的時候腳未夠長踩唔到, 依家夠長啦, 不過平常甚少帶單車比細佬踩, 所以細佬都唔係好識點一下前一下後, 要靠哲爸幫手推推

細佬受哲哲影響, 也很喜歡多啦A夢. 見到自己隻腳夠長可以踩, 夠大著得落對多啦A夢鞋時, 就去邊都要著呢對, 影呢張相時仲口up up話同多啦A夢影相相tim!

雖然有好多人覺得屋村好雜, 流連屋村球場打波唔係咁好, 可是我有好多難忘既回憶都在屋村發生. 讀書年代的我, 最喜歡放學帶埋個排球同幾位同學到屋村打波, 一打就五六點先回家. 仲記得一定要輪住去唔同同學既屋企條村去打, 免得比阿媽發現, 以後唔準打, 呢d回憶拎出黎同哲哲分享, 真係好正, 哈哈

可能今早太熱, 樓下個球場空無一人, 可以任我地踢波亂踩單車啦~~ 比起之前成日大腳落空, 波皮都擦唔到, 哲哲依家進步太大了, 可以和哲爸互攻互守, 兩仔爺這畫面看得我好感動啊~

細佬踩單車亂入夠了, 也加入戰隊還要守龍門, 哈哈, 呢隻臭豬身手都唔錯架~

簡單的生活, 簡單的拍照, 最喜歡這樣簡單自然的生活點滴~