拆開盒子內裡是這樣的
幾件組件加一本說明書, 不過產品這樣易於使用, 通常我都不會看的XDDD
咁先進既吸塵機, 原來由兩個組件再加一個配件就砌成, 設計果然簡單
安裝也非常簡單, 將折合的部份拉直, 再用個銀仔扭實就可以了, 這些粗重功夫緊係留比哲爸做啦~
安裝完成! 搵個靚位放埋一邊由佢叉電. 叉滿四粒電大約三四個小時. Ergorpaido非常慳位, 放到牆角一旁完全唔阻位. 舊的那部吸塵機每次用時都要移開雜物翻箱子駁好組件, 對於一個每天都要吸一至兩次塵既主婦黎講, Ergorpaido隨手就可以拎起黎吸, 實在太方便了
叉好電, 可以來家用報告了
某日在家吃午飯洗完碗的時候, 出廳就發現「金銀滿屋」. 唔知邊個將我銀包d錢呀卡呀拎出黎玩, 細佬又拎左哲哲學校茶點既餅乾黎食, 仲食到成沙發都係
呢d情況真係見怪不怪, 幾乎每天都會發生, 不是摷銀包玩錢, 就是拿哲爸公事包的文伴來摺, 又或者將細粒粒的lego倒到成地都係, 每次吸塵都要大執屋一輪才能成事
今日懶啦, 試下唔執屋, 左攝右攝睇下避唔避到d地雷陣先! 開機吧!
第一關, 哲哲橫過張廿蚊紙, 無事喎, 廿蚊紙無吸到落入個塵袋度
又試下吸銀仔先. 今次唔得啦, 「嗵」一聲吸左落個塵箱度, 哲哲有d驚, 以為跌落摩打會整壞部機...
唔洗驚, 個塵箱好容易就可以拆到出黎, 個銀仔唔會無左既~
砌返好, 又繼續吸. 吸到廁所附近最多頭髮位就輕踩個扒頭五秒, 入面個刀片就剪斷d頭髮直接吸入塵袋, 呢個BRC簡易滾軸清潔設計真係好方便又衛生
反轉睇, 真係好乾淨, 無頭髮纏住啊
細佬都好鐘意吸塵, 兩兄弟成日都爭住幫手, 不過對細細粒既細佬黎講, 成部拎住吸太耐會倦啊, 都係交返比哥哥吸啦~
哲哲就吸得好輕鬆啦, 皆因Erogorapido有180度靈活扒頭, 就算就快撞到雜物都可以急轉彎~
小朋友有時三分鐘熱度, 哲哲吸完廳就走左, 留低左部吸塵機係度要我吸埋個房. 全新自立功能就唔洗烏低身再執返起, 即使開著部機都唔會因為震動而跌
果邊廂哲哲走左人, 呢邊仲有個小災難未解決...
細佬丫...點解成日有碗比你裝住都唔要, 係要食到周圍都係餅碎丫...?!
你都知自己麻煩呢...好在哲哲醒目, 識得o係機身拆左個手提吸塵機出黎用, 配埋個特別窄縫吸嘴及毛刷, 咩餅碎麵包碎都吸得乾乾淨淨
長吸嘴仲有另一個用處. 我們的家在大馬路旁, 要是幾天不吸塵, 可以寫字了. 呢個時候用毛刷可以吸塵順便刷乾淨, 睇下哲哲吸得幾專心!
全屋終於乾淨晒, 通常我吸四五次左右就會拆個塵袋出黎清洗. 儲太耐感覺上d塵不停在內部循環打滾, 會倒吸返d灰塵入身體
輕啪個制, 可以清楚睇到頭先哲哲既努力幾有成果XDDD
用一次就見到咁多塵, 吸力好強丫, 最環保係唔洗用幾次就換filter, 因為個過濾網完全可以用水洗. 水洗完晾乾後又可以再用啦~
一次係咁, 兩次係咁...
又係細佬做既好事!!!
家裡有小朋友既家長應該會好明白我既心情, 就算有碗, 小朋友都緊有辦法食到四圍都係碎, 細佬都唔例外, 與其話佢, 不如慳返啖氣用部方便輕巧既吸塵機, 拿拿聲吸乾淨佢喇...
好在細佬都知道「自己的事自己做」呢個道理, 幫佢拆左個手提吸塵機出黎自己吸返自己d手尾
呢個細佬食野好輪盡, 除左廳同沙發係重災區之外, 有時連我地既comfort zone都侵占埋, 比哲爸知道你係床上食野就大件事啦. 為左消毀罪證, 細佬快d action!
細佬: 「oh! 被媽咪撞破了!」
長吸嘴洗乾淨, 又可以用黎吸床. 細佬, 記得吸乾淨d咪比爸爸發現丫!
試用左兩三星期, Ergorapido確實越用越好用, 對每天都要打掃的主婦來說, 簡單輕便方便使用真的很重要. 當然, 身為一個用家亦唔係有讚無彈, 有少少意見想比返Electrolux. 當我想吸雪櫃底/後, 櫃後, 床與牆之間的空位時, 發覺這些狹窄位用Ergorapido很難吸
不知道有沒有長而幼的吸嘴可以配? 又或者將手提機身的部份變得更細更薄? 對於這些狹窄的縫位, 唯有「翻叮」舊的吸塵機駁條長吸管去清理, 如果Electrolux再出新款, 希望可以改善埋呢個問題啦!
一路睇返舊照片, 會做家務的孩子, 對家庭會多一份責任感, 明白媽媽的辛勞, 對媽媽來說也可以減輕不少功夫, 盡早培養小朋友做家務真的好處多多, 希望遲d連煮飯洗衫乾衣這等事宜都交晒比兩兄弟囉~~
沒有留言:
張貼留言