細佬面試相

jul 18

早個星期去了一間在fb挺多人幫襯的影樓為細佬影k1面試相

在哲哲的年代, 一般申請幼稚園入學用的相, 都是坐得正正經經, 用上證件相藍藍白白的背景去影的. 這家影樓影到d小朋友好像考名校般的感覺, 本來覺得整件事搞到有點誇張, 眼見朋友們的子女在報n1 k1時的相片都影得很醒目, 團購價$258/24張相雖然有點小貴, 但都好奇想睇下細佬會影成點(而且人人都影自己唔影好輸蝕咁, 哈哈), 所以都跟大隊幫襯了

那天因為三號風球, 橫風橫雨, 細佬在巴士訓著了, 一個女人仔一拖二擔住遮盲中中摸到影樓. 大雨下抱住訓著了既細佬好狼狽, 看看手錶早到了二十分鐘, 心想早點上去影樓坐坐避雨都好. 然而一開門有職員黑黑地面話拍攝時間未到, 不可以坐出面的沙發(那張沙發用黎做樣的嗎?), 怕會影響入面正在影緊相的小朋友, 要我們先離開影樓範圍

哲哲尿急想借廁所, 那位職員說沒有廁所可借, 叫我們到地下大堂問管理處

單是這兩件事連在一起, 想想都覺得太過份了吧, 做小朋友生意, 卻沒有做小朋友生意的用心

工廠區, 大雨下何處可去? 幸好巴士站旁有個小商場, 唯有走回頭路在那裡打轉, 也幸好哲哲忍得住, 去到商場廁所才解決內急

夠鐘返影樓, 細佬慢熱, 初時不肯坐在高櫈影相. 那個攝影師像吃了x的模樣, 面黑黑完全等開工咁款, 另一個助手只是不停的威嚇細佬要坐上去, 沒有其他板斧令細佬放鬆合作拍攝. 果一刻覺得自己入左黑店, 或者我擇錯日子, 或者我揀錯個下午茶時間, 又或者上一個小朋友太難搞, 影到攝影師同助手未回氣就要上陣

(事後和朋友說起, 她們的情況沒那麼糟, 有另一個比較有耐性, 懂得哄小朋友笑的助手那天剛好不在, 換轉這個助手的話應該會好很多)

幾經辛苦終於影完, 即場揀相, 八揀一其實真係唔洗點諗, 因為無張好心水! 攝影師又黑面, 暗中催促我快點揀. 一係笑得太牽強, 一係就眼神不對勁, 可能影樓趕下場, 比我感覺細佬還不是很自在的狀態就勉強拍幾張收工

這張相, 不過不失, 就算影得再好, 這家影樓的態度令我卻步, 我也應該不會再幫襯了