apr 30
朋友們近日大力推介, 影親子家庭照一定要去sens studio度影, 見早前有團購$238包12張相同一個相架, 雖然相片既張數較少, 不過我們確實很久沒有影過親子照, 於是第一次學人團購攝影套餐, 好期待啊~
相隔了九個月才再到影樓拍親子照, 有點後悔, 本來上年十月約了一間戶外攝影, 天雨關係取消了, 後來天氣冷, 拖到現在回暖才可以出戶外影相. 這九個月對初生的bb來說進步很大, 細佬的扒底, 坐, 學爬學企我都錯過了, 幸好現在能夠拍到細佬行, 希望不算遲吧
廢話少說, 先來看看部份照片
這是我最鐘意的一張照片啊!
來到觀塘的sens studio, 無論是售前服務, 攝影師, 到售後服務都非常有禮貌及有交帶, 因為之前兩次的studio拍照經驗不是太好(主要是哲哲「UFO」問題), 都有點擔心攝影師能否拍到理想的照片
睇相那天, 我和哲爸出乎意料地喜歡, 有好多哲哲搞搞震以為影唔到既照片, 竟然拍到了, 還以很生動的姿態展露出來. 攝影師F真係好勁, 一個人要控制兩條友難搞唔合作既場面, 又要兼顧影相, 相比之前FACE同MyBabyFace都有助手幫手, 功力確實厲害得多!
sens的攝影風格好特別, 喜歡sens唔會有大量既佈景, 純以白色景來特出主角. 好似我們見剛好有架玩具手推車, 忽發奇想就放了細佬落去, 哲哲「順其自然」的發揮了蝦細佬的角色, 這些都好靠攝影師既執生技巧, 亦無限制我們要點擺pose先影到滿意效果. 總之一切都很隨心, 真正是邊玩邊拍, 完全沒有不自然的感覺
這張也是估不到的好效果. 攝影師建議我們拖著兩小鬼來跑, 哲哲不是太認真衝線的跑得太快, 就是低下頭亂來, 還以為會燒焦了, 竟然睇相版時效果又唔錯, 攝影師捕捉個時間真係剛剛好, 對付呢兩個麻煩既小朋友好有經驗啊
轉裝了. 脫去上衣哲哲作反跑回佈景板, 攝影師見狀快手拍下這些鬼馬的照片, 這一輯是我的大愛!
第一次兄弟裝上場! 橙黑白的效果夠晒搶鏡喇掛~
細佬兩張喼神相, 真係令我好難取捨, 極之相近的兩張照片. 哲爸覺得遞起腳板仔是亮點, 另一張我喜歡細佬怕怕羞羞的表情及微微傾斜的身體語言, 結果...兩張都買晒XDDDD
照片實在太漂亮, 可是我們很忍手的大手cut, cut淨最後17張, 原本的package包12張相連底片, extra一張要$100, 本來真係想cut到12張, 不過打開門做生意, 無理由咁樣衰少少錢都唔比人賺既, 就係咁, $500心甘情願地奉獻了XDDDDD
再有團購的話, 一定會再來sens studio影, 希望能夠Keep住每半年影一次啦~
沒有留言:
張貼留言