細佬? 細妹?

昨天因天雨關係, 和哲哲的戶外活動時間去了沙田ikea閒逛, 當走到睡房見到上下架床的時候, 哲哲很好奇, 想爬上去...

「媽咪, 你睇, 幾似臻臻屋企張床?」

「係bor....因為臻臻係大哥哥, 所以訓上面, 下面就留返比細佬熙訓. 第日你做大哥哥你都係訓上面架, 你驚唔驚先?」

「唔驚, 我會好小心架啦, 我係大哥哥所以可以訓上面, 因為細佬細妹仲係bb, 會跌佢地落黎架嘛」

「無錯啦, 哲哲好醒目好識諗bor. 咁第時媽咪生bb, 你鐘意細佬定細妹丫?」

「唔...細妹...細佬」(認真的想)

「兩個? 只可以揀一個咋喎」

「咁丫....細妹....細佬!」

「都話只可以揀一個囉...」

「但係我想兩個嘛, 咁我地咪可以一齊上樓梯落樓梯, 可以三個一齊訓囉?」

(又要細佬又要細妹, 有d難度喎...)

「唔得啦, 如果只可以一個呢?」

「細妹」

「哦? 點解呢?」(出奇地竟然揀細妹?)

「因為細佬會同我爭車玩, 細妹唔會架, 細妹鐘意玩煮飯仔, 咁就唔會爭我d車玩啦」

估唔到哲哲都幾識為自己設想周到, 而且佢咁諗都錯唔晒, 不過事實唔一定女仔先玩煮飯仔既, 哲哲正一傻豬豬~