jun 19
這晚約了哲公公到中環吃晚飯, 慶祝我(8), 哲爸(18), 哲婆婆(20)的生日+父親節(19) (牛姨又要大出血了:P). 見天氣這麼好, 不如到赤柱大街閒遊
已經很久沒有來過赤柱了, 上次來的時候哲哲剛好一歲學懂行, 來赤柱大街可以睇狗之餘, 無車可以任行就最適合不過
才出發不久哲哲又在車上睡了, 雖然哲哲還不到三十磅, 不過我已經無力抱哲哲, 這個重任自然落在哲爸身上, 被哲爸依哦說什麼慶祝父親節活動, 其實就是折磨父親的吉日, 哈哈 (有得抱比你抽下水仲唔知足? 遲下個仔都大你想抱都無機會啦~)
入到赤柱大街, 好熱丫~~ 忍不住買了支冰凍的橙汁, 凍一凍先, 爽晒!
赤柱廣場正在大翻新, 美利樓又有好多龍友影相, 烈日之下在大街閒hea真的攞苦黎辛(哲爸黑面了 ), 幸好未有影響哲哲心情, 不停轉換表情pose來逗我們開心
上次來的時候哲哲在赤柱大街橫行無忌, 這次哲哲曉行會走, 仲帶埋車仔黎玩, 成個廣場只有這隻小豆丁玩車都幾好笑
玩到無野好玩, 見到牛姨個鏡盒都玩一餐~
「喂? 有無人丫?」
真係好有新意的玩法!
呢一日哲哲心情超好, 肯乖乖同我地影合照, 唔知係咪受左我同哲爸既影響, 仲喜歡時不時問我拎相機話要影相, 要過下攝影師手癮先得!
哲哲影相角度都好有自己既見解, 有時會影到倒轉同斜晒, 佢話係因為地震, 所以d野歪晒喎. 影完我地又影下自己隻腳同影下個天, 可惜牛姨未send返d相比我, 我好想睇下哲哲影成點...
見時間差不多, 走的時候應哲哲要求玩佢最鐘意既「人肉升降機」, 好重丫~~~
因為哲公公喜歡吃刺身, 哲婆婆不想吃中菜泰菜, 所以選了一間日式小店 - 築地日本料理. 位置在蘭芳園條街入面, 星期日的中環很靜, 哲公公婆婆放工趕來都差點找不到這裡
這間小店我們吃得非常滿意, 價錢合理, 款式之多, 味道賣相都不錯, 服務更是非常殷勤
high翻天的哲哲又來古靈精怪的表情了, 無佢符, 哈哈~
在西海堂買了個五重朱古力, 不吃甜的我, 就連愛吃甜的牛姨和哲爸都一致認為這個蛋糕甜而不膩, 味道甚好. 雖然這晚吃得很飽, 但依然吃下整個蛋糕!
唱過生日歌, 吹過蠟燭, 祝六月之星生日快樂+父親節快樂~
(這頓飯多謝牛姨了, 待哲哲長大後, 六月之星+父親節這餐飯你會有分擔了, 哈哈)
沒有留言:
張貼留言