挑戰uno classic

這陣子哲哲非常喜歡玩thomas uno, 幾乎每天都要玩好幾次, 起初哲哲對那些規則的概念不是太穩, 現在卻可以玩得非常純熟, 某天給哲哲看到八姑婆之前送給我們的uno, 想挑戰玩更高一級的uno classic

uno classic比起thomas uno更難, 因為多了reverse, skip, draw 4的牌, 而且數值由thomas uno的六去到classic最高的九, 不過正因為多了這等特別玩法哲哲玩得更古惑, 例如:

到哲哲出牌時, 明明手上有牌可出, 但他偷瞄到下一張是+2或者變色牌時, 會借口話唔想出住, 想拎牌呃到下一張想要的牌;

無牌出的時候, 要抽一張牌時又會一大疊的拎起, 扮不經意的遂張翻, 再從中揀一張自己有利的牌;

出錯牌變錯顏色, 會收返自己原先隻牌或者叫對方收返牌再出過;

明示想要wild card同埋+4 card, 叫我派比佢; 當見到自己既牌唔靚時, 會同我講想睇我既牌, 暗示交換;

有次哲哲教麻麻玩thomas uno的時候, 我聽到哲哲要麻麻打開牌面玩之餘, 當見到有利的牌就用「好似好有道理」的要求和麻麻交換 (如「嗱, 你都唔識玩, 不如我幫你用左佢啦」又或者「我細過你, 你要讓我架, 不如我地交換牌丫」);

「嘩, 做咩我d牌全部都係黃色架?」 

最茅的一次, 見派到的牌大部份都是同色之餘更沒有任何有利的牌, 正所謂出外靠朋友, 多個朋友一齊入局對自己絕對有利. 玩到中途哲哲提議白豆同啡豆都好想玩uno, 自動波派埋牌比雙豆, 一見自己d牌麻麻地就借口幫雙豆睇下識唔識玩, 實情是看看有什麼牌可以從雙豆中「江湖救急」

見哲哲越玩越奸茅, 我落左命令如果玩得咁唔公平就以後無得玩, 完全令自己有利鋪鋪贏的話, 勝之不武, 將心比己, 點會有朋友仔願意同茅躉王玩? 幸好哲哲都肯反省知錯, 乖乖聽話用正常途徑令自己勝出

哲哲都好均爭, 見自己連贏數次, 會同我講: 「你唔洗唔開心架, 我地好公平既, 我贏左兩次, 下次到你贏啦, 跟住又到返我贏, 好無?」, 亦興幸就算比我狂+2, 都無發脾氣, 只會依哦「咩你咁多+2牌出架」, 就算輸了都只會趕急出晒自己d牌當自己贏埋一份, 來個皆大歡喜

傻豬, 玩遊戲同比賽都一樣, 要贏就先要學識輸, 輸得起遊戲比賽才好玩. 我輸唔會唔開心, 你唔洗讓我架, 因為落場無父子, 我亦都唔會因為你細過我而讓你架, 哈哈