jun 8
今年生日, 本來想辦個party請最要好的朋友一起落club慶祝三十; 再想多一想又不如賴底哲哲和哲爸到酒店二人世界過一晚, 吃個buffet也不錯; 後來又想不如拋個波比哲爸揎主意, 給我驚喜之餘又唔洗我煩...
最後從kimkim的facebook得知香格里拉做緊生日半價優惠, 素聞cafe too的dinner buffet質素非常五星級, 看過kimkim及qq的照片都很吸引, 這天去完天際100, 回家接了哲哲就出發吃dinner buffet了 (哇, 都不記得有多少年沒有吃過dinner buffet了~)
一入門口就見到海鮮檔! 見到一對對厚肉既龍蝦, 仲有花蟹, 青口, 蝦已經兩眼發光 (可惜無生蠔), 熱食選擇也有很多, 不過這晚主力幫襯海鮮, 實在沒有其餘戰鬥力吃熟食
甜品櫃色彩繽紛, 件件小巧款式也多, 用鳥籠放置甜品也很骨緻
我們被安排的位置不錯啊, 可以第一時間看到何時有新鮮出爐的鐵板燒鵝肝帶子, 出燉湯之類, 不用排長龍又不用比人龍迫著自己的檯子
對哲哲來說這個位子更是「睇戲位」, 見到拉麵師傅點樣打麵拉麵, 好神奇~
一睇就知係我既口味!
刺身有四款, 新鮮但款式大路; 鐵板鵝肝帶子很惹味; 燒牛肉略嫌肉味不夠, 羊架味道更是非常普通; 小籠包有驚喜, 皮薄多汁; 燉湯果然夠火喉, 不過太大煲, 喝不完一整煲
龍蝦同蟹非常新鮮兼啖啖肉, 服務生也絕對唔小家一給就給一對, 非常有禮貌「歡迎轉頭再食過」, 結果我很聽話啊, 這晚我幾乎只吃海鮮, 全晚共吃了三對龍蝦, 八件蟹, 還有少量青口同蝦, 好滿足~~~
buffet的好處就是各有所需, 嫌吃海鮮麻煩的哲爸最喜歡甜品. 這晚專攻甜品, 不過甜品挺令人失望. 看似款式雖然多但類別相近, 擺設也見心思, 就是賣相比較悶...即是幾乎清一色是四四方方cut cake之類, 不夠精緻及多元化, 味道也普普通通, 就連哲爸說五星級的不及雅苑座的好味及驚喜
正在食得興起, 哲哲突然指住我背後:「咦, 點解你會o係度既? 」
原來這晚有神秘嘉賓 - 奶奶, 哈哈哈. 怪不得奶奶這天常常問我今天的節目安排, 去哪裡吃幾多點幾多樓啦, 好感激亦非常驚喜~
吃到尾聲, 哲爸自備蠟燭插在其中一件甜品當生日蛋糕, 哲哲知道後很生氣!
事緣之前同哲哲說我是六月八日生日的, 哲哲也將我和哲爸的生日記住了, 還知道這天是我的生日, 說要買個hello kitty生日蛋糕比我, 因為女仔係要吹hello kitty(那男仔就是thomas了~). 可是這晚哲爸沒有hello kitty蛋糕, 就連一個正常的蛋糕也沒有, 哲哲就怨哲爸點解個生日蛋糕咁細, 點解唔係hello kitty, 點解咁...點解咁...(下刪好多點解)
(其實哲哲係為我出頭, 還是認為生日就一定要有蛋糕, 而且蛋糕就一定係大個, 唔可以細個呢?)
唱完生日歌, 哲哲又強說是他的生日, 所以又要哲爸再點一次給他吹. 這次是哲哲第一次用火柴, 睇下佢個樣幾肉緊~
每次有蠟燭吹哲哲就會說是自己的生日了
這晚捧著滿滿的肚子回家, 人出錢我出命, 太搏命的吃結果凌晨三時也未落隔訓得到...果然dinner buffet是件很邪惡的事!
平日成人每位$478另加一, 這次用了半價優惠, 連帶哲哲(扮三歲或以下)不用錢, 一家三口在五星級的酒店吃dinner buffet, 一次半次豪$525可以接受吧. 老實說一直都覺得dinner buffet價錢比lunch buffet貴的不夠吃到的/質素成正比, 晚上頂多是多點海鮮或多點肉, 但價錢貴一截, 還是lunch buffet抵吃一點, 也不用晚上吃太飽睡不著
看來雅苑座才是我和哲爸的all time favorites~
沒有留言:
張貼留言