nov 1
早陣子我們和麻麻一時興起, 齊齊去了大埔海濱公園踢波打羽毛球, 見到草地上人人都野餐, 哲哲問怎麼我們什麼也沒帶來吃, 好失望, 這天哲哲學校放假一天, 於是和哲哲到佐敦谷野餐, 希望給哲哲一個小小的驚喜
其實要野餐又有何難, 都是弄一些小食帶去吃, 只是我們這些無車人仕, 拖住一個, 又揹住另一個, 還要抽多袋野食同玩具, 山車水遠由一個地方搭去另一個地方, 有時都好佩服自己
一去到草地, 哲哲急不及待話要開餐了! (明明剛剛先食完午餐, 玩陣先再開餐都等唔切)
「唔! 好好味呀媽咪, d雞翼好味到唔想停呀~」
爸爸, 你將隻蕉搞成咁...=.=
見到兩隻臭豬食得咁開心, 點辛苦都抵返晒喇~
好鐘意呢幾張相, 細佬唔知邊度搵到個氣球出黎, 個感覺有點像森林中既小精靈~
今日仲帶左d畫筆畫簿同哲哲試下戶外寫生, 哲哲成日話畫畫好悶, 一於試下跳出框框, 在戶外的地方有個新嘗試. 襯哲哲同爸爸踢緊波, 細佬見到畫筆就拎上手要畫了
「嗱, 哲哲, 你望下, 前面有d咩? 有個垃圾桶, 有條單車徑, 我地一齊畫下先...」
整古做怪既哲哲, 閒來加幾筆搞搞震就最開心!
能夠誘導到哲哲畫上一陣子, 總算是成功了一步吧, 哲哲說戶外寫生好好玩呢~
呢張相既哲哲好畢加索丫~~
影下我地三個人既大作先!
daddy's time!
we are family! 按下快門的一刻哲哲突然改變pose, 呢張相既笑容, 夠晒真情流露呢~
見太陽無咁曬, 可以落遊樂場玩啦! 細佬呢個一字馬好可愛~
果邊有咩睇到O晒嘴呀?
難得的兩兄弟合照, 依舊貌合神離=.=
「媽咪, (提)子子丫~~」(傻瓜細佬, 那些才不是提子呢, 成日掛住食!)
天光玩到天黑, 過足癮囉~
沒有留言:
張貼留言