每天打開信箱的時候, 哲哲總會很納悶:「媽咪, 點解郵差叔叔成日都寄信比爸爸唔寄比我既?, 我都好想收到信丫」
「唏, 郵差叔叔寄比爸爸d信, 全部都係交錢, 無咩好期待...」
早陣子哲哲寄了一封信比聖誕老人, 知道聖誕老人會回信, 也就變得更期待, 看到信件會第一時間看看是不是自己的名字. 這晚回家如常打開信箱, 終於有信比哲哲啦!
等左兩星期, 感覺如隔三秋, 聖誕老人寄比哲哲既信終於收到啦! 哲哲掩不住興奮, 好想即刻拆開就睇!
哄到哲哲返屋企先拆, 睇下聖誕老人講咩先...
看上去哲哲好似興致提不起來, 明明前一秒仲好興奮好期待架bor, 唔通係諗緊點解聖誕老人無送好多禮物比佢?!
我叫哲哲靜心等待, 聖誕老人唔會講大話, 一定會令小朋友既心願達成的~
我們知道哲哲很喜歡白豆, 亦非常依賴白豆, 早幾個月前哲哲玩得太粗魯, 整爛了白豆的頸子, 又咬爛了白豆的頭仔, 雖然哲哲說白豆鐘意咁樣玩, 但我地卻認為哲哲不珍惜喜歡的東西, 於是靜俏俏的收起了白豆, 對哲哲報稱白豆離家出走了, 不知道哲哲是相信自己做錯了還是其他原因, 沒有之前的依依不捨, 而是靜靜的接受了現實, 也好, 反正我們不想哲哲凡事太依賴白豆
最近哲哲提起了白豆:「媽咪, 其實你同爸爸係咪收埋左白豆? 不如你拎返出黎比我睇下啦」. 我和哲爸當然矢口否認, 心裡卻知道哲哲心裡掛住白豆, 盤算著這個聖誕不如給哲哲一個小驚喜, 讓白豆重回哲哲的身邊, 而我們也有信心哲哲不像從前那樣事事依賴白豆了
聖誕節的早上...
還在熟睡中的哲哲, 不知道睜開眼看到白豆有何反應呢?
果然, 一起床第一時間抱著白豆問:「媽咪, 點解白豆返返黎既? 係咪你比我架?」
「緊係唔係啦, 我岩岩先訓醒咋喎」
「丫, 咁可能係聖誕老人呀, 我尋晚睡覺好似感覺到有人丟d 野落我個頭度, 一定係咁啦!」
「丟落頭度? 點解咁講既? 白豆唔係係你旁邊咩?」
「唔係呀, 我訓醒就已經係我個頭度架」
(想必是哲哲亂訓, 訓到白豆移位到頭頂而覺得聖誕老人丟白豆落佢頭度吧, 哈哈哈)
呢個時候, 細佬見到有新公仔, 非常好奇, 想要搶哲哲手中的白豆又搶不成, 呱呱大叫
「咦? 點解細佬無聖誕禮物, 得我有既?」
「一定係你上次封信都無叫聖誕老人送禮物比細佬, 所以細佬咪無囉, 陰公豬, 睇下細佬幾唔開心」
「細佬, 哥哥依家再幫你寫一封信比聖誕老人叫佢送禮物比你!」
「趕唔切啦, 聖誕老人夜晚派完禮物返左屋企休息啦, 一係你讓細佬玩一陣, 下年聖誕你記得幫細佬寫埋許願喇~」
「好啦, 細佬, 咁哥哥下年再幫你寫, 我一定會記得幫你寫既」
雖然不是哲哲先前所期待的模型車, lego等等聖誕禮物, 不過再次擁有要好的舊玩伴, 這份聖誕禮物更有意義
估唔到, 哲哲真的相信, 這世上有聖誕老人的存在呢~
沒有留言:
張貼留言