sep 1
趕趕趕! 跑的速度返sentosa拎返行李出黎, 仲有個半鐘就起飛, 但係我地仲要搭MRT去機場, 好驚丫~~~
終於來到機場, 搭完接駁車再跑到check in counter, 空無一人, 離起飛仲有半個鐘, 唔係真係咁邪上唔到機嘛...?!
果一刻個心真係好鬼驚, 如果真係上唔到機, 點算呢? 搭下一班機? 第日仲要返學, 點算? 好多好多問號, 好在等左無耐有工作人員出黎辦理手續, 終於放心晒...
(不過因為行程太趕, 這早沒有時間幫細佬換片, 結果在飛機上片片太脹, 漏尿濕了褲子, 凍親細佬呢)
時間雖然趕, 但依然要撲去買Bengawan Solo的斑蘭蛋糕
Bengawan Solo的鋪頭和我們的check in counter離很遠, 襯奶奶去了洗手間, 問哲爸拿了些散銀, 第一時間跑去對面執幾件上機 (怕比人鬧, 咁趕上機仲買野, 嘻嘻)
本來想買兩個斑蘭蛋糕的, 發現手上差SG1, 唔夠錢
無時間了! 唯有買兩盒四件裝的, SG4.2, 比起一整個來說, 四件裝, 又貴又唔抵...(最衰都係哲爸, 褲袋咁多散銀差果SG1都唔比埋我! 哼!)
拎住斑蘭蛋糕上機囉, 回程也是乘搭jetstar呢~
「媽咪, 雲, 嘩...」
近距離能夠看到漂亮的雲層, 難怪細佬這麼高興
細佬都算唔話得, 搭四個鐘飛機都好乖無扭計, 一時睇下機上既雜誌...
一時就扒在爸爸身上訓...
「Byebye 新加坡!」
「媽咪, 我好開心呀, 新加坡真係好玩到唔捨得返屋企丫~」
哲哲大個仔了, 落車返到屋企時見爸爸拉兩個喼好辛苦, 主動話要幫手拖喼~
梳洗過後, 大家就上床睡覺. 第日醒來, 為食既哲哲第一時間想起斑蘭蛋糕, 頻說好肚餓等不及落樓吃早餐
「咦, 原來斑蘭蛋糕係綠色架? 咁古怪既? 好唔好食架?」
說起來哲哲沒吃過綠色的蛋糕, 看到樣子這麼樸實, 也懷疑蛋糕的味道是否好吃
「媽咪, d斑蘭蛋糕咁似你洗碗果d百潔布咁既」
分好蛋糕幾乎聽唔到細佬把聲, 原來密密食, 蛋糕塞住把口了XDDD
究竟哲哲覺個蛋糕好唔好味呢? 睇相就知道喇
我也是第一次吃斑蘭蛋糕, Bengawan Solo的斑蘭蛋糕很鬆軟, 感覺有點似茶樓的馬拉糕, 味道淡淡的, 是我喜歡的味道, 難怪別人說新加坡的斑蘭蛋糕很有名, 現在試過真的好想每天都吃到呢~
朋友說Bengawan Solo的西梅千層蛋糕和芝士斑蘭卷蛋也是很好吃的, 有機會真的好想試試啊~~
沒有留言:
張貼留言