自己的衫自己縫

dec 9

這天哲哲放學如常和同學在公園玩, 不小心弄甩了自己的衫鈕, 回到家問哲哲想不想試下自己縫補, 從未試過拿針線的哲哲自然一口答應

第一口鈕經我示範之後, 第二口鈕全權由哲哲負責了, 結果係點呢?

第一個步驟就要取線, 剪出一個適當的長度, 睇哲哲似乎有d笨手笨腳, 哎呀, 甩手添!

剪完線, 輪到穿針引線啦! 無眼花無手震既哲哲, 試了兩三下就成功穿好了, 比我想像中叻啊!

準備將線和衫鈕連成一線啦! 呢度哲哲有點不知所措, 步驟太多, 一時忘記了, 不知道如何將衫鈕放上衫度縫, 幸好經我提示後都記得點做

一開始哲哲忘了預留一些空位, 將衫鈕縫得很貼衫邊, 太貼邊的位置就扣不到衫口位, 所以又要重頭來過了

似模似樣, 睇落哲哲又幾賢淑bor, 哈哈

睇下哲哲自己一手一腳縫既衫鈕縫成點先? 無幫過手, 就咁睇以為無咩問題, 縫完先知道原來中間有d位可能忘了上下穿針, 又或者落針個位唔夠準確，所以打結, 偏側, 不過第一次來說我已經很滿意了, 哲哲自己也很滿意, 更說原來要縫一個衫鈕咁花時間, 非常感激我之前幫他修補白豆呢~

雖然成品唔完美, 但是自己一手一腳去縫合, 穿回校也會感到特別自豪吧

可能很多人會覺得懂得縫衫鈕沒有大不了, 但正好襯這個機會給哲哲學習一點生活小技能. 穿針引線, 可以訓練手眼協調之外, 也學懂了簡單的修補, 他日衣服穿了, 衫釦掉了, 甚至要挑褲腳這些簡單功夫也不用假手於人