竣再做手術

may 8, 17

最近開始時不時聽到竣竣說蛋蛋痛, 特別是沖完涼及運動過後, 看真一下, 又真的是兩邊蛋蛋大小越來越不對稱, 右邊的比較腫脹, 安心起見, 上星期帶竣竣看兒科, 結論是竣竣得了hydrocele, 簡單來說, 就是體內有個缺口, 體液隨著這個缺口流到蛋蛋處, 就像水彈越積越大, 越來越不舒服

醫生說這個缺口本應兩歲前會埋口, 如果埋唔到口就往後都唔會埋, 看了兩個醫生都建議幫竣竣做手術. 思前想後怕日後蛋蛋積水越來越多會令竣竣不舒服, 決定這天入院到仁安做手術

ohmykids x 自由約之不完美露營 @西九

mar 11, 17

小時候參加過童軍, 對於帶著營具攀山涉水, 扎營起營火晚會夜晚睇星星的印象很深刻, 一直都很想和兩兄弟去試下, 可是露營需要準備很多物資, 我怕買了一堆回來兩兄弟不喜歡會浪費

早陣子ohmykids x 自由約舉行「不完美露營」活動, 地點就在西九, 還有工作人員帶活動, 所需準備的物品也不算多, 最重要是免費!! 二話不說即時申請, 幸運地收到電郵通知中籤了, 也有一份活動安排及準備清單的附件, 活動好吸引, 真係好期待可以快d 去玩

同兩兄弟講即將去西九露營, 佢地都一臉奇怪: 成日去西九野餐, 乜果度可以露營? 不過知道有得扎營訓戶外, 哲哲同細佬都好興奮好開心 (可能我成日同佢地講童軍露營生活幾甘多姿多采XDD)

前一晚執拾物品時, 越執越多, 帳幕之前淘寶過四人營, 雖然不是正統的野外露營用, 為免新屎坑買完少去屋企又要搵位放, 決定頂硬上用住先, 訓一晚應該無咩問題掛...至於營燈地蓆同睡袋, 幸得T小姐借出, 總算以最簡單及便宜的方法解決了物資問題

期待好久的「不完美露營」, 帶住毛雨的天氣開始, 還以為拖喼過一晚好似好誇張, 原來都有好多家庭同我地一樣呢~

【清境台中】day 6: 草悟道電動車> 勤美誠品綠園道/勤美術館> 上機回港

jul 29, 16

來到台中最後一站, 去到草悟道玩兩兄弟期待已久的電動車

【清境台中】day 6: (早午餐)牧熊小館moow> 林信一福堂/宮原眼科/第四信用合作社

jul 29, 16

旅程來到最後一日, 回到之前摸門釘的牧熊小館吃豐盛的早午餐

早幾天來的時候, 因為沒有預約, 全館滿人, 沒能吃到; 這天一早來到, 終於有位可以食啦

【清境台中】day 5: 麗寶馬拉灣> (晚餐)備長乂天日本燒肉定食專門店> 逢甲夜市

jul 28, 16

麗寶馬拉灣就在麗寶樂園側, 如果住酒店/連同玩樂園票/午後票會更便宜, 不過天氣這麼熱, 玩樂園覺得乾煎太辛苦了, 所以這次我們只是去了馬拉灣玩水. 購好票, 換好衫又鎖好隨身用品後, 入場玩lu~~

【清境台中】day 5: 台中美術館兒童遊戲室> (午餐)梨子咖啡館祟德店

jul 28, 16


夏日炎炎, 今天重頭節目到馬拉灣水上樂園玩. 大玩特玩之前先要醫肚, 我們打算吃在台中一致讚好的梨子咖啡館, 襯餐廳提供午餐之前, 先到台中美術館的兒童遊戲室放放電, 見識一下這個免費又極受小朋友歡迎的遊戲區有多好玩

這個遊戲室要事前網上預約, 現場排的話很大機會輪侯不到, 我們預約了第一時段, 未到九時已經有人在排隊了
(預約網址: http://child.ntmofa.gov.tw/content_70.html)

又曬又熱, 影完張相即衝入美術館嘆冷氣, 哈哈

【清境台中】day 4: (住)福星旅店 Hotel 7> (晚餐)激旨燒き鳥

jul 27, 16

玩到咁倦, 終於入住我地今晚既酒店. 福星旅店(hotel 7)吸引我之前當然是又新又型格, 地點方便我地之後既行程, 附近也有便利店, 聽聞這裡的餐廳食物也不錯. 當時比較了數間酒店, 這間的價錢簡直是超值, 所以不也用多想即預訂入住

我們比原定的時間遲了check-in, 所以花了點時間辦手續. 大堂很寬敞, 可以容納很多旅客, 同一時間check in/out都不會感到擠迫

竣, 五歲生日快樂

竣, 五歲生日快樂~~

由早幾個星期開始, 每一天都在盼望五歲生日的那天, 今日終於到你既生辰喇~~

如你所願, 爸爸今日揸車接你放學, 給你一個小驚喜

呢個阿哥雖然平時對細佬衰衰地，但有些時候又對細佬幾好。

這早返學的時候，細細聲同爸爸講話阿細生日，要送份生日禮物比細佬，budget 係$500.嘩！好闊綽，小學生涯裡，每星期只得十蚊零用錢，呢三年裡都無咩點用到錢，平時買包維他奶，見到鐘意既玩具都諗完一輪就放低唔買，今日竟然話拎$500 出黎比細佬任揀禮物。

最後，細佬揀了一架數十元既新界的士，物輕情義重，一樣開心。哲哲難得有這份心思哄細佬開心，兩兄弟相親相愛，做父母就最欣慰, 睇下細佬笑得幾甜~

晚上去了吃竣竣喜歡的壽司, 回來再切蛋糕. 一個月前不停尋找竣竣恨左好耐既白兵衫, 好在海代購非常好人, 一收到貨即通知我取貨, 趕得及今晚給細佬作為生日禮物, 竣竣開心到即刻著上身呢~

今年既生日好平淡, 不過有家人陪伴, 又有蠟燭吹同蛋糕吃, 我知道你已經很開心很滿足, 媽媽會努力一下, 安排讓你著住白兵衫去迪士尼玩一轉~~

【清境台中】day 4: 高美濕地欣賞日落

jul 27, 16

網上查看了今天高美濕地日落的時間大約是6:20p.m., 我們在赤腳丫梳洗過後, 出發到高美濕地看日落

【清境台中】day 4: 超推介: 小孩子都愛的赤腳丫生態農莊

jul 27, 16

之前在網上看到台中有個新建的好去處, 有水泵, 有沙池又有遊樂場, 不用多想一定要安排到赤腳丫玩, 為炎炎夏日降下溫~

【清境台中】day 4: 老樹根魔法木工坊

jul 27, 16

這早要去老樹根魔法木工坊, check out後在酒店隔離的早餐店買了外賣在酒店大堂吃

【清境台中】day 3: 扇型車庫> 彩虹眷村> 動漫彩繪街> (晚餐)春水堂

jul 26, 16

去完921地震館, 緊接趕到扇型車庫看古舊火車

整巨型甘大滋 @零食物語foodfie煮播室

feb 1, 17

去完酒鍋, 其實今日最想做的是同兩兄弟去整巨型甘大滋

印有自己既樣既甘大滋真係好得意丫~~~

家長日

剛過去的星期六派發成績表, 之前派發試卷時大約都知今次考試成績如何, 班主任大半個學期都請病假, 回校都沒有期望班主任會說什麼

班主任說很欣賞哲哲, 說哲哲是班上算乖的男孩子, 上堂也很主動回答老師的題問(老師很喜歡這些有「反應」的同學XDD), 聽書時很專心, 對自己是有要求的一位男孩子, 和同學們相處也沒有大問題, 雖然不是班上很受歡迎的那種, 但也有一兩個特別合得來的同學仔

聽到班主任的話就放心了, 回想起小二的時候, 班主任說哲哲上堂很遊雲, 不過叫他答問題的時候又會識答, 每次都要老師多翻提點才回復專心的狀態

成績方面, 這次有了小突破. 試過三次考「緊頸四」, 為了這事哲哲感到可惜, 認為自己可以更加好, 今次總分數上有丁點兒進步, 這次竟然考第二, 真係好驚訝, 看到成績表的時候都不懂反應了

哲哲看到名次時, 臉上藏不住笑容, 除了說終於可以上台領獎, 竟然懂得說感謝, 多謝我幫佢一齊努力拎到好成績

名次以外, 小三後哲哲對學習既態度認真了少許, 有時會聽見哲哲說班上有幾位同學很滋擾, 老師常常花時間在堂上鬧人, 浪費時間, 影響課堂進度, 這個時候就想小四入精英班, 可以好好上堂; 有時又會聽到他想做班長, 希望老師給予他更多信任; 有次更說現在的課程深了, 上堂不能再遊雲, 要專心一點才跟得上

這年因著校外比賽, 學校服務及操行達到了一定的積點, 比起上年有大幅的進步, 仍希望在交齊功課, 默書此等方面繼續努力

正中紅心

最近又有學童跳樓自殺, 一連好幾天都有這樣的新聞, 朝早臨上學前在家看新聞的時候, 順勢問一下哲哲最近學校的情況...

「哲哲, 最近返學點呀? 阿邊個仲有無係你後面不停講野嘈住你上堂?」

「無喇, 老師調左位, 依家可以好專心咁上堂聽書」

「咁功課方面有無咩唔明或者跟唔上既地方要我幫下手咁?」

「都無喎」

「係咩? 我聽d 同學仔家長話你d 同學做功課做成兩三個鐘, 晚晚做到九點幾十點先收工. 乜你地有咁多功課咩?」

哲哲突然認真mode: 「功課唔多丫, 不過深咋嘛」

噢哎思...

難怪明明手冊無咩功課, 放學又話已經係學校做晒, 返黎只係溫陣書就已經可以打機睇電視玩lego, 非常輕鬆, 還在想是不是太放任, 應該安排什麼給哲哲溫習好

哲哲既見解同講野果然一貫風格: 正中紅心XDDD

雙眼皮的煩惱

這天接竣竣放學的時候, 見竣竣悶悶不樂, 不停搓眼睛

「媽咪, 我呢隻眼好重, 撐唔開隻眼, 睇野好倦丫...」

嘆靚茶吃得意造型點心 @酒鍋

feb 1, 17

是日拍拖唔知幾多週年, 比個藉口出城去銅鑼灣飲茶吃得意點心. 平時好少同兩個仔飲茶, 一黎覺得飲茶需時比較長, 兩個仔無耐性坐咁耐, 二黎茶樓既點心比較悶, 就算幾好食, 賣相都很普通, 無咩特別

早陣子在雜誌看到幾間精緻酒樓有得意公仔造型點心吃, 想同兩兄弟見識一下, 等佢地打破「飲茶等於悶」既固有想法. 這天下午在灣仔有活動, 所以今天去銅鑼灣的酒鍋吃午餐

閒遊南蓮園池

jan 30, 17

年初四, 陪奶奶到鑽石山的南蓮園池參拜廟祝, 多年沒有來, 這天特意幫兩兄弟穿上賀年服, 與古色古香的建築拍照特別有氣氛, 哲哲也笑著說就像回到老香港呢~

【清境台中】day 3: (早餐)傑米JME brunch box> 921 地震教育園區

jul 26, 16

今日行程很緊密(謎之聲: 有邊日唔係?!), 所以要吃份豐富既早餐來應付整天的能量! 台灣有很多好吃又便宜的早餐店, 搜索一輪, 這早我們到傑米JME brunch box來早餐

哲跆拳升級試 - 升紅帶

jan 15, 17

又考帶了, 這次升紅帶離上次藍紅帶只有半年時間, 起初都奇怪這麼短時間又考一次, 後來才知道袁sir搞錯了, 本應是三月考才對, 不過既然報了名, 袁sir叫哲哲加緊練習耍套拳時的力度, 應該都無大問題

越學得久, 所花的心機與練習時間也會越多, 來到中高級的色帶, 能夠認真且堅持學落去既學員越來越少, 大家都很認真的聽袁sir教導及訓話

紅豆綠茶一歲生日

jan 12, 17

豆豆, 茶茶, 今日一歲生日喇!

由bb 開始, 帶住你地打針, 餵藥, 你地食既用既都會上網research 一翻, 會為你地既便便而操心, 為著每一個新發現而興奮傻笑, 手機既記憶爆到一個點, 不知比哲爸投訴過多少次...多謝你倆令我重拾新手父母箇中既滋味

竣竣最傻豬, 話豆豆茶茶一歲生日就已經十八歲, 明明之前佢仲係哥哥黎, 甘快已經被豆豆茶茶爬佢頭, 猛話唔公平. 睇黎細佬真係好恨做哥哥呢~

今日哲爸出trip, 唔能夠同你地正日慶祝, 所以預早和你倆切蛋糕, 希望你地食得招積, 住得舒適, 歡迎繼續白食白住被我地一世包養~

一歲生日快樂!

假日好去處: 粉嶺阿方士多啤梨園。雲泉仙館吃齋

jan 22, 17

之前應承了哲哲考試期間好好溫書, word hard之後就是play hard, 這天早起的鳥兒有士多啤梨吃. 前年得知粉嶺有個阿方士多啤梨場, 沒有收入場費, 可以看過士多啤梨收成情況才決定要不要摘. 這天捉埋朋友仔陪我作先頭部隊, 看看是否值得拉大隊來一次

兄弟情

jan 8, 17

是晚和麻麻吃完生日飯, 回程路上...

「哲哲, 人既快樂好簡單, 能夠同屋企人食餐飯慶祝, 唔需要送生日禮物, 都已經好開心」

「咁又係既, 如果我有好多禮物但無人陪我慶祝生日, 我都會唔開心」

「係呀, 第時爸爸媽咪唔係度時, 得返你同細佬兩個, 你地要相親相愛. 你要記住, 你地一世都係兄弟黎, 呢個世界除左屋企人之外, 無人會無條件咁去愛你對你好, 所以你要好好珍惜細佬, 唔係成日蝦佢打佢」

哲哲若有所思

「細佬呀, 你最鐘意邊個?」

「哥哥」

「哲哲, 咁你鐘唔鐘意細佬呀?」

「err...我都鐘意細佬既」

落藥成功!

竣做足底疣激光手術 (有圖慎入)

jan 5, 17

才剛過新一年, 就有血光之災

竣竣聖誕節那天之後, 開始出現風癩, 再過多幾兩天發現他抓腳板說痛, 翻開腳底一看...

綠腳丫 x 孫幼讀書會之草原上的繪本

nov 20, 16

上年竣竣和同學仔參加了「綠腳丫 x 孫幼讀書會之草原上」的繪本活動, 過了一個充滿樂趣的週末

是次活動地點在西區海底隧道旁的中山紀念公園, 第二次來, 到處都是人, 感覺自己像是假日的維園中XDDD

證明有很多家長推動及積極參與活動, 讓小朋友喜歡閱讀呢~

【清境台中】day 2: (住)寶島53行館> 格上租車> (晚餐)台中市役所> 一中街夜市

jul 25, 16

今次台中之旅在寶島53行館住了兩晚, 實在不像我平常會住的酒店. 本來有想過住承億文旅鳥日子, 不過寶島地點實在方便, 價錢便宜, 縱使酒店內內外外不是我的喜歡的那種格局, 住落卻又發現這間酒店很務實, 應有盡用

【清境台中】day 2: 青青草原> 坐南投客運回台中

jul 25, 16

欣賞完日出, 翻訓左陣, 準備起床去青青草原睇羊咩咩show

當初行程編排是怕下午草原陽光猛烈, 所以安排這天上午來觀看羊咩show, 誰知民宿接載的司機說下午的時候草原才不曬, 本來都不太相信, 這天去到就相信了, 早上的時候真的曬死人!

跟原居民學曬咸蛋。大澳一日遊

dec 4, 16

半年前在朋友的fb看到ywca有個大澳文化生態綜合資源中心舉辦體驗活動, 數數手指已經有四五年沒有到過大澳, 正好襯這次的機會, 打算待天氣涼一點的時候和朋友們結伴一起去

這個活動申請很簡單, 首先向大澳文化生態綜合資源中心入紙申請日期時間, 成功報名後有一系列既體驗活動可以揀選擇 (連結在此: http://cerc.ywca.org.hk/intro01.asp), 每項活動每人頭收取$40費用

最後我們分了兩組, 分別參加了豆腐花製作及生曬咸蛋, 考慮到想多點時間在大澳四處遊覽, 所以只選擇了一兩項活動

我們一行人包車入大澳, 是日有團友生日, 在旅遊車同碼頭旁慶生, 夠晒難忘熱鬧喇掛XDDD

哲, 九歲生日快樂

致九歲的你,

哲哲, 今天是你的生日, 媽媽先祝你九歲生日快樂!

過去這一年, 媽媽看到你真的長大了. 八歲的你, 開始渴望「友誼」這回事, 從前毫不介意, 到現在會想如何做能夠結交朋友, 令朋友開心, 這一點媽媽是非常感受到, 就連你的朋友仔都看得到你的努力及轉變

八歲的你, 越大越愛撒嬌, 喜歡聽甜言蜜語, 常常主動要我攬你錫你讚你, 叫你一聲「大寶貝」, 爸爸同你玩「瘋狂大錫錫」依然未感生厭; 出街的時候還肯拖住我的手; 坐車的時候有單人位, 還會選擇同我坐; 無論悲與喜, 總會急不及待第一時間和我分享. 你說你一直是我的大寶貝, 當然只拖我手, 只同我坐, 直到永遠永遠...媽媽知道這些日子不會太長久, 我會深深地印在腦海, 曾經你是這樣子的可愛

這年聖誕

這年聖誕節目豐富, 日日都有得玩, 要記錄一下快樂的回憶:

dec 24

哲爸最怕人多的地方, 已經有很多很多年的聖誕, 除夕元旦都留在家中倒數慶祝, 這年竟然肯陪我在平安夜這晚出尖東閒逛影燈飾, 好難得呢~

病了也要搞笑

今日哲哲病假一天, 有幾樣小事要記下...

早上和他到診所, 醫生診斷哲哲淋巴發炎, 哲哲誤聽成「淋花發炎」, 仲奇怪自己都無淋花, 點解淋花會發炎...XDD

放學的時候, 到校務處取手冊和功課

簡單的慰問, 窩心的感覺, 哲哲斷言代寫手冊的肯定是女孩子, 男同學哪有這翻心思. 小二的時候有次哲哲請了幾天病假, 復課的時候有位女同學關心哲哲, 哲哲第一次接收到來自朋友關心自己那種溫暖, 我說要好好的和這位女同學相處做好朋友了, 哲哲默默的點頭, 應該是內心受到感動吧

新的一頁 - 2017

回想一下, 原來已有兩年沒有時間寫年度回顧, 2014年因為剛好裝修完太忙, 完全忘記了; 2015的只記了重點, 還未有時間整理一下

回顧2016
年尾的時候想不起這年發生過什麼事, 然而看著手機的日曆, 原來這一年對我來是變化頗大的一年

考慮了近一年, 一月的時候決定讓哲哲服食補充劑, 這個決定思考了很久, 也和哲哲說明了原因, 他也很樂意接受這個安排; 九月的時候更轉了另外一隻比較穩定的補充劑. 與此同時, 四月的時候哲哲上了大埔教育學院的蕊展計畫, 開展了人生的新一頁, 無論對佢對世事既睇法, 待人接物等等, 都有了個正面積極既改變, 這一點是這年最欣慰的事

哲爸這年轉了新工, 轉之前還有點猶疑 - 原來的已經很穩定, 只是很多時需要出trip, 每個月總有好幾天是偽單親家庭生活. 但是不是值得轉工, 捨棄原來很熟識的工種呢? 新工在家中工作, 好處是見面多了, 多了閒情說說話, 大部份時間都可以一家人一起吃飯. 兩個仔最開心, 可以經常見到爸爸, 只是辛苦哲爸在家工作, 要忍受兩個仔在家的嘈吵