上年十一月的某一天, 哲哲在家準備打開練習簿寫字...
「咦, d字咁靚既? 本功課唔係我架喎!」
「係喎...可能老師搞錯左本功課, 錯手將你同同學既功課對調左」
「媽咪, 咁我係咪照寫字落呢本簿度?」
「唔洗喇, 等聽日返學校交換返時先補做啦」
「嘩, 媽咪, 你睇, 點解人人d字都咁靚, 乜我果d咁肉酸架?!」
(呢個事實終於比哲哲自己發現左XDDD)
「雖然同學仔d字靚過你, 但其實你已經比以前進步左好多喇, 唔信? 等媽咪搵返你以前d功課簿睇下咪知囉」
「嘩, 乜我以前d字咁肉酸既, 哈哈」
還記得剛開始練習寫字的時候, 哲哲的字肉酸到不得了: 執筆寫字太大力, 筆勁過底用擦膠擦極都唔甩; 字型空間感不佳; 執筆姿勢錯...等等問題, 每天和他做家課大家都痛苦不堪. 一提起筆哲哲頻說好難好難, 寫一個字總要擦上幾轉(已經不是要求完美了), 擦到紙都爛仍未寫得好
因為不想打擊哲哲, 如非肉酸到不能接受, 我都會由哲哲寫完一整本, 自己審閱一次, 覺得有哪幾個字是寫得不夠好, 就自行改正, 最後才交給我看. 起初因為掌握力度及未能控制小肌肉, 擦完又寫寫完又擦這個步驟令到功課簿非常不整潔, 又爛又黑炆炆
直到有一日從哲哲的書包看到這份功課, 原來哲哲在學校正正經經的寫, 是可以寫得字體工整, 紙張整潔的, 真的是個好大的驚喜. 哲哲說, 因為在學校老師在旁引導著, 而且書櫈的位置合乎高度, 所以比較易寫
(基於這個原因, 使我們想正式買一張書櫈給哲哲做功課)
為了鼓勵及比哲哲知道自己的進步, 特意整理好哲哲由k2開始的功課, 給哲哲回顧, 成日話難話難, 但原來一直的練習, 就會像現在寫得比較順, 不再那麼困難了, 而且也看到自己字體的「進化史」~
k2下學期開始寫字了, 呢半年真係嘔血期, 一日寫果十格都可以教到嘔十擔血, 主要問題是哲哲不懂控制力度, 太大力時d字過底好難擦得乾淨, 叫哲哲細力一點卻又淺色到無寫既一樣, 至於格大但d字寫埋一堆不工整打風等空間感問題我就先得過且過
英文方面, 也開始寫一些英文字母, 不過學校不是由a-z順序的寫, 相信是依深淺度去教吧
暑期完結了, 正式成為k3生. 自升上k3後, 功課量一時間多了, 其實所謂既多, 只是每天不再只做一本中文習作寫十格字, 而是額外加多本英文單字要寫. 這時寫的中文字還不是寫得太好, 可能暑假才剛完結, 元神未歸位XDDD
真正到了聖誕後才感覺哲哲寫字的進步. 聖誕假後, 老師有一天對我稱讚哲哲最近寫的字漂亮多了, 問哲哲是不是在假期的時候常常在家練習, 哈哈, 什麼都沒有, 反而這個假期什麼練習也沒做, 後來問了哲哲, 哲哲說因為自己大個仔, 寫多左, 練習多自然靚左(好似好懂事喎識咁講), 同埋因為心情好所以會比心機寫
哲哲話有白豆陪佢做功課, 開心好多!
蛻變期哲哲寫既字真係比之前進步神速啊, 亦開始拎到老師既獎勵貼紙貼簿了, 叻仔!
k3的英文由單詞變成簡單句子, 哲哲掌握句子還不是很好. 字與字之間的隔位有時會寫到痴埋一齊, 有時又會大意寫漏字母, 不過睇英文簿時特別開心, 因為要畫公仔, 每次見到哲哲畫公仔就覺得好搞笑
最近中文詞語簿多了不少新字, 有時放學會聽到哲哲說今日要寫既字好難唔想寫, 有時又話好簡單可以好快寫完, 難的時候會嗲嗲豬想我陪佢寫, 有時又要講條件佢寫一個我陪佢寫一個, 見到哲哲最近d字越來越整齊, 不再好似以前逐個字擦十次八次先可以見得人, 真係有種「守得雲開」既感覺
哲哲, 見到自己寫得越來越好, 係咪好有成功感? 萬事起頭難, 練習得多就會越寫越好, 終有一日無一個字會難倒你. 媽媽知你好想得到老師功課簿上既獎勵貼紙, 我地一齊努力喇, 加油!
沒有留言:
張貼留言