jun 10
期待了許久, 畢業禮終於來了. 說起畢業禮真是一殼眼淚
數月前學校有通告, 說六月將舉行畢業禮, 如同每年的聖誕匯演一樣, 學校不鼓勵家長帶相機, 因為大會有攝影也會製作成DVD派給家長, 不過我也很好奇再三問了班主任好幾次, 是不是當天不能用相機, 場內不可拍攝. 班主任回答那天是不建議帶相機. 結果我是真的很傻很天真, 那天去到尖沙嘴的大會堂外, 才發覺人人也帶相機, 噢, 不是相機, 是大炮(長鏡相機), dv更是不少得
人人都在為自己的小朋友拍照留念, 有些家長自備畢業袍, 花束, 甚至畢業公仔來拍照, 相比自己兩梳蕉咁瀟灑, 頂盡得部爛到不能爛既手機, 即時覺得中伏了...
本來安慰自己那些家長只是現在拍拍, 場內不準拍攝, 到時都要收起來. 誰知入到去才發現人人都set好腳架來影相, 果一刻我真係好想喊, 好想時光倒流, 呢個場合就算唔帶大機唔帶dv, 平常出街都會帶部x10, 點解今日會咁聽話依老師講咩都無帶呢?
什麼照片影片都沒有為哲哲留下, 這一切一切美好的只能留在腦海中(自我安慰)
學校安排很周到, 憑劵入場, 安排的位置在台的正中心, 也不會離舞台很遠, 可以很清楚的看到表演, 要是有相機一定能拍很多好照片. 噢, 我又在提傷心事...
開場了, LL多間分校家長學生聚在一起, 先是小朋友合唱謝師頌和一連串唱了多年耳熟能詳的兒歌頌, 萬人大合唱, 場面壯觀又感動, 聽著歌詞回想這三年黎哲哲的成長, 有點眼濕濕
(多得有位家長坐前一排, 剛好他的兒子在哲的附近, 才可以得到這些珍貴的片段, 其他同班的家長坐太遠, 場內wifi 4g又接收不良, 想求救都難, 感謝啊!)
然後小朋友去了後台準備, 學校邀請了多位講者演講, 聽到我又流眼淚了, 那時剛好在大抽獎後, 人人都為了自己孩子派位及成長的憂慮與疑惑, 這個時候聽到這些激勵的說話, 令人反思當初養育小孩的意思及承諾
看著台上眾多細粒如蟻的學生群中, 我們一眼就能認出自己個仔, 睇黎每個家長都練成這種本領, 一到自己的孩子上台領畢業證書時, 機關槍聲不斷, 過一陣輪到另一邊連環掃射, 槍聲此起彼落 (這張相是從學校DVD中copy的, 萬幸有影到哲哲而且無眨眼, 哲哲好乖巧肯企定定比人影相啊~~)
終於到了重頭戲了! 之前哲哲說過自己是第三場, 做一隻無對白只係訓o係度既羊, 叫我要多多留心. 不過咁多隻羊, 仲要著晒戲服有晒煙霧咁, 一時之間真係有d難搵
好在哲獨特既「演技」將我們的視線帶到他身上. 嘩卡卡卡, 哲哲既「i hate you」好入戲, 做得好好呀!!!
(條片係用部爛手機zoom到最近影, 像素差到睇唔到樣, 無計啦, 學校DVD又唔會大頭影哲哲, 又提起我既傷心事, 嗚嗚...)
整個表演睇得出學校同老師好有心, 咁大型既音樂劇, 面對台下咁多家長, 小朋友竟然毫無懼色, 非常有自信, 場景搭建服飾亦可見心思, 老師們應記一功. 又要再提, LL雖然學術上比較淺, 除此以外真的是一間九十九分學校, 老師工友非常有愛, 貫徹始終是一間happy school
表演overrun了, 哲爸只請了半天假, 勉強等到畢業禮完結和哲哲作個擁抱就急急要走, 沒有機會來一張合照呢...
畢業禮一完, 哲哲撲頭就第一句:「媽咪, 頭先你睇唔睇到我呀? 表演係咪好精彩呢?」再之後一句就是「好肚餓啦, 表演左咁耐淨係食左早餐, 餓到都無力了, 我要食一個好豐富既午餐丫」
於是兩母子手拖手去了吃哲哲最喜歡的pepper lunch, 再到附近的冒險樂園玩, 玩了一陣就要趕回家同奶奶交更接細佬, 要不是畢業禮overun, 可以陪哲哲玩耐d呢~
沒有留言:
張貼留言