K3運動會

mar 22

相隔一年, 校際運動會捲土重來, 今年哲爸為我們勇奪一面獎牌, 為最後一次幼稚園親子運動會留下完美既回憶!

運動會的前一晚...

「哲哲, 聽日運動會啦, 我地洗唔洗去運動場練下起跑呀?」

「唔洗啦, 我咁勁, 一定跑第一喇~」

「咁...不如我地作個口號, 到時幫你打氣囉?」

「好呀, 叫咩好呢?」

「不如叫...唔著褲, 哲哲, 加油!」

「唔得唔得, 咁叫咪全部人都知我鐘意唔著褲囉?」

「嘩卡卡卡, 咁樣叫你先聽得出係媽咪幫你打氣丫嘛, 哈哈」

「咁你都係叫『哲哲仔, 加油, 跑快d!』好喇」

打開學校派回來的小包裹, 有支旗仔, 仲有今次運動會的參賽項目, 哲哲話最想玩鐵餅, 仲自誇跨欄同跳遠係強項, 好, 一於聽日睇下有無我當年既影子先XDDD

k1那年又凍又落毛雨, 很多親子接力賽臨時取消, 好失望. 今年天公造美, 不冷也不熱, 老師們正在主持開幕儀式, 最後一年真係好幸運可以一家四口參與到

「on your mark...」

(err...哲哲, 你個姿勢...似蜘蛛俠多d喎XDDD)

嗱, 咁先似模似樣架嘛

嘩, 跑得好快呀~~就咁睇好似跑第一好快咁, 其實根本就淨係得佢一個人跑咋嘛, 哈哈

我們和哲要好的同學相約一齊運動, 唔止哲哲, 細佬都有得擲鉛球, 仲掉得好唔錯, 拋物線架~

跳遠既哲哲真係令我大開眼界! 估唔到哲哲跳得咁好, 起跑, 加速, 單腳跳, 有姿態有實際啊!

還有一些簡單的運動項目, 哲哲都很全情投入, 只是有時太認真, 唔夠人快會發脾氣囉

細佬雖然無咩野可以玩, 但一d都唔悶, 跟住我地排隊自娛, 又揮旗仔幫哥哥打氣, 乖仔~

時間夠, 開始親子接力賽, 今年我出賣左哲爸, 幫佢報左名參加比賽. 出賽前, 哲爸問哲哲想爸爸定媽咪出賽, 哲哲想了想說想爸爸比賽, 哲爸還說講比賽你阿媽d獎牌多過我丫...

歷史既野點講都唔會有人信, 不過眼前既哲爸, 由最尾跑第七, 到一接棒超前上第三, 令哲哲和同學的家長們非常驚訝. 哲爸, 今次比你威左次, 不枉我安排呢個比賽比你在哲哲心中取分數~~

總共28組參賽, 我們的總成績竟然可以拎到銅牌, 真係意料之外, 哲哲最開心, 今年除左自己, 爸爸仲幫佢拎多一面獎牌, 好事成雙呀!

運動場上和好朋友的合照...

事後哲哲常常重溫replay爸爸跑步這條video, 說要像爸爸一樣跑得咁叻, 哲哲你咁鐘意跑步又跑極都唔倦, 練習多d可能會係個長跑好手呢~